Google Payments-ის კონფიდენციალურობის სახელმძღვანელო ბავშვებისთვის

აირჩიეთ თქვენი ასაკი: 6-8 წლის 9-12 წლის

6-8 წლის ბავშვებისთვის

გაინტერესებთ, როგორ ინახავს Google უსაფრთხოდ Google Payments-ის მონაცემებს?

ეს გვერდი ბავშვებისთვისაა! ის პასუხობს კითხვებს Google-ის მიერ თქვენი Google Payments-ის ინფორმაციის გამოყენებასა და უსაფრთხო შენახვასთან დაკავშირებით.

მშობლებისთვის: ეს ინფორმაცია ვრცელდება მხოლოდ Family Link-ით მართულ Google ანგარიშებზე 13 წელზე უმცროსი (ან თქვენს ქვეყანაში დასაშვები ასაკის) ბავშვებისთვის. მეტი ინფორმაციისთვის შეამოწმეთ ჩვენი შეტყობინება მონაცემთა კონფიდენციალურობის წესების თაობაზე და კონფიდენციალურობის დებულება.

რა ინფორმაცია სჭირდება Google-ს?

იმის გარდა, რასაც Google აგროვებს ყველა პროდუქტისთვის, ჩვენ გვჭირდება ძირითადი ინფორმაცია თქვენგან, რათა Google Payments-მა უკეთ იმუშაოს.

რეგისტრაციის ინფორმაცია

თქვენი მისამართი და ტელეფონის ნომერი
თქვენი დაბადების თარიღი
ინფორმაცია თქვენს საკრედიტო ან სადებეტო ბარათზე
თქვენი ვინაობის დამადასტურებელი ინფორმაცია

ზოგჯერ შეიძლება მოვითხოვოთ მცირე ინფორმაცია იმის შესამოწმებლად, რომ ყველაფერი უსაფრთხოდ და დაცულადაა.

ინფორმაცია სხვა წყაროებიდან

ინფორმაცია თქვენს გადახდებზე მაღაზიებში
ინფორმაცია ბანკის და საკრედიტო ან სადებეტო ბარათის შესახებ

ინფორმაცია შენაძენებთან დაკავშირებით

როდის და სად შეიძინეთ, ფასი
საკრედიტო ბარათი გამოიყენეთ თუ სადებეტო ბარათი

რაში იყენებს Google ჩემს ინფორმაციას?

გარდა სხვა გზებისა, რომლებითაც Google იყენებს თქვენს ინფორმაციას ყველა პროდუქტისთვის, ჩვენ ვიყენებთ იმ ინფორმაციასაც, რომელსაც თქვენ გვაწვდით, Google Payments-ის ისეთი ფუნქციებისთვის, როგორებცაა:

დახმარება თქვენი გადახდების უპრობლემოდ შესრულებაში
გაკეთებული შენაძენების ჩვენება თქვენთვის და თქვენი მშობლებისთვის
მშობლის ხელშეწყობა, თუ თქვენ ეს გჭირდებათ
ცუდი ადამიანებისგან თქვენი ინფორმაციის და ფულის დაცვა
დარწმუნება, რომ Google Payments-ის წესებს იცავთ
იმის გადაწყვეტა, თქვენი მომავალი გადახდები უსაფრთხოა თუ არა

აზიარებს Google ჩემს ინფორმაციას?

გარდა სხვა გზებისა, რომლებითაც Google აზიარებს თქვენს ინფორმაციას ყველა პროდუქტისთვის, ჩვენ ვაზიარებთ თქვენს ინფორმაციას სხვებთანაც, რათა Google Payments-მა იმუშაოს. აქ არის რამდენიმე მაგალითი:

თუ კანონმდებლობა ნებას გვრთავს
რათა დავიცვათ თქვენი ანგარიში და გადახდები
რათა დავრწმუნდეთ, რომ თქვენი გადახდები სრულდება

რა მართვის საშუალებები აქვთ ჩემს მშობლებს?

აი, რა შეუძლიათ თქვენს მშობლებს:

ახალი ბარათების დამატება თქვენთვის Google Payments-ზე
ელფოსტის მიღება, როცა იყენებთ ბარათებს და როცა ბარათი ამოიშლება
თქვენი გადახდების ნახვა და გადახდის ბარათების ამოშლა Family Link-ში

როგორ უზრუნველყოფს Google ჩემი ინფორმაციის უსაფრთხოებას?

Google ბევრს მუშაობს, რომ თქვენი ინფორმაცია დაიცვას. შეგიძლიათ დაგვეხმაროთ თქვენი პაროლების და PIN-კოდების საიდუმლოდ შენახვით.

მნიშვნელოვანია, გახსოვდეთ:

ფრთხილად შეარჩიეთ, ვის უზიარებთ ანგარიშს.
ფრთხილად შეარჩიეთ, ვის აძლევთ თქვენი მოწყობილობის გამოყენების უფლებას.
თუ ფიქრობთ, რომ თქვენი Google Payments აღარ არის უსაფრთხო, უთხარით მშობელს.

9-12 წლის ბავშვებისთვის

გაინტერესებთ თქვენი კონფიდენციალურობის საკითხი, როცა იყენებთ Google Payments-ს?

სწორ ადგილას ხართ! წაიკითხეთ ბავშვების მიერ ყველაზე ხშირად დასმული კითხვები, მაგალითად, როგორ ვიყენებთ თქვენს ინფორმაციას და როგორ ვიცავთ მას.

რა ინფორმაცია სჭირდება Google-ს?

იმის გარდა, რასაც Google აგროვებს ყველა პროდუქტისთვის, შეიძლება მოვითხოვოთ სხვა ინფორმაციაც, რათა დავრწმუნდეთ, რომ Google Payments მუშაობს თქვენთვის.

რეგისტრაციის ინფორმაცია

აქ მოცემულია ზოგი ინფორმაცია, რომელსაც შევინახავთ თქვენს Google ანგარიშში. ზოგი მონაცემი შეიძლება შეინახოს თქვენს მოწყობილობაზე.

მისამართი
ტელეფონის ნომერი
დაბადების თარიღი
საკრედიტო ან სადებეტო ბარათის ინფორმაცია
თქვენი ვინაობის დამადასტურებელი ინფორმაცია, მაგალითად, პირადობის მოწმობა

ზოგჯერ შეიძლება მოვითხოვოთ, რომ დამატებითი ინფორმაცია გამოგვიგზავნოთ ან უპასუხოთ კითხვებს თქვენი ინფორმაციის და ვინაობის დასადასტურებლად.

ინფორმაცია სხვა წყაროებიდან

თქვენ შესახებ ინფორმაცია სხვა წყაროებიდანაც შეიძლება მივიღოთ, მაგალითად:

ინფორმაცია თქვენი Google Payments-ის ტრანზაქციებზე მაღაზიებში
ინფორმაცია იმის შესახებ, თუ როგორ იყენებთ სხვა წყაროებიდან თქვენს გადახდის მეთოდებს და თქვენს ანგარიშებს, რომლებიც მიბმულია Google Payments-თან.
თქვენი ბანკი ან ბარათის გამცემი
უპირატესობები თქვენი გადახდის მეთოდიდან
ინფორმაცია თქვენი გადახდების შესახებ სხვა წყაროებიდან, რათა უზრუნველვყოთ, რომ თქვენი ანგარიში და გადახდები სანდოა.

ინფორმაცია შენაძენებთან დაკავშირებით

როცა იყენებთ Google Payments-ს შენაძენებისთვის, ჩვენ შეიძლება შევაგროვოთ ინფორმაცია ტრანზაქციის შესახებ, მაგალითად:

თარიღი, დრო და თანხა
მაღაზიის მდებარეობა და აღწერა
გადახდის მეთოდი

რაში იყენებს Google ჩემს ინფორმაციას?

გარდა სხვა გზებისა, რომლებითაც Google იყენებს თქვენს ინფორმაციას ყველა პროდუქტისთვის, ჩვენ ვიყენებთ იმ ინფორმაციასაც, რომელსაც თქვენ გვაწვდით, ისეთი რაღაცების გასაკეთებლად, როგორიცაა:

თქვენი მშობლისთვის დახმარების აღმოჩენა ვინმეს მიერ, თუ თქვენს Google Payments-თან დაკავშირებით პრობლემა წარმოიქმნა (მაგალითად, კლიენტთა მომსახურება)
Google-ის მონაცემების, თქვენი და სხვების დაცვა იმ ადამიანებისგან, რომლებიც შეიძლება ცდილობდნენ თქვენი ინფორმაციის მოპოვებას ან თქვენი ფულის დახარჯვას თქვენი ნებართვის გარეშე.
ხელის შეწყობა მაღაზიებისთვის ან სხვა კომპანიებისთვის თქვენ მიერ მოთხოვნილი რაღაცების მოწოდებაში
დარწმუნება, რომ Google Payments-ის წესებს იცავთ
გადაწყვეტილებების მიღება Google Payments-ის თქვენი მომავალი ტრანზაქციების შესახებ
დარწმუნება, რომ იცით სხვა საინტერესო ფუნქციების შესახებ, რომლებსაც თქვენი გადახდის მეთოდი ასრულებს

ჩვენ შეიძლება დავიტოვოთ თქვენ მიერ მოწოდებული ინფორმაცია იმდენი ხნით, რამდენითაც იყენებთ Google Payments-ს და უფრო მეტით, თუ კანონმდებლობის დაცვაა საჭირო.

ოდესმე აზიარებს Google ჩემს ინფორმაციას?

გარდა სხვა გზებისა, რომლებითაც Google აზიარებს თქვენს ინფორმაციას ყველა პროდუქტისთვის, მხოლოდ სხვა რამდენიმე მიზეზი არსებობს, რატომაც შეიძლება გავაზიაროთ თქვენი ინფორმაცია Google-ს მიღმა სხვა ადამიანებთან. ასეთი მიზეზებია:

თუ კანონმდებლობა ნებას გვრთავს
თქვენი ანგარიშის მუშაობისთვის, თქვენი შენაძენების უზრუნველყოფისთვის, თქვენი ანგარიშის უსაფრთხოების გაუმჯობესებისთვის, თქვენი დაცვისთვის ისეთი ადამიანებისგან, ვინც ცდილობს თქვენგან მოპარვას ან თქვენ მოტყუებას და ყოველდღიური საქმიანობისთვის
დასარწმუნებლად, რომ თქვენი გადახდის მეთოდი უსაფრთხოა და კვლავ მუშაობს
სხვა წყაროების მიერ მოწოდებულ სერვისზე თქვენი მოთხოვნილი რეგისტრაციის შესასრულებლად

Google ფლობს ან მართავს სხვა კომპანიებსაც. ზოგჯერ ჩვენ ვუზიარებთ მათ ინფორმაციას, თუ ეს ყოველდღიური საქმიანობისთვის სჭირდებათ. ეს მოიცავს ნებისმიერ ინფორმაციას, რომელიც შეიძლება მივიღოთ სხვა წყაროებიდან, მაგალითად, მაღაზიებიდან, სადაც ვაჭრობთ.

რა მართვის საშუალებები აქვთ ჩემს მშობლებს?

აი, რა შეუძლია თქვენს მშობელს

ყოველი დამატებული გადახდის ბარათის პირადად დამტკიცება
ელფოსტის მიღება, როცა იყენებთ ბარათებს და როცა ბარათი ამოიშლება
თქვენი Google Payments-ის ტრანზაქციების მიმოხილვა და გადახდის ბარათების ამოშლა Family Link-ში

როგორ უზრუნველყოფს Google Pay ჩემი ინფორმაციის უსაფრთხოებას?

Google ბევრს აკეთებს თქვენი უსაფრთხოებისთვის, მაგრამ მნიშვნელოვანია, რომ თქვენი ანგარიშის პაროლები, PIN-კოდები და სხვა მნიშვნელოვანი ინფორმაცია საიდუმლოდ შეინახოთ.

გაითვალისწინეთ:

თუ თქვენი Google ანგარიშის ინფორმაციას სხვას გაუზიარებთ, მას წვდომა ექნება თქვენს Google გადახდების პროფილზე და თქვენს პერსონალურ ინფორმაციაზე
ფრთხილად აირჩიეთ, ვის აძლევთ წვდომას თქვენს მოწყობილობაზე ან თქვენს Google საფულის აპზე

თუ ფიქრობთ, რომ თქვენი Google საფულის აპი აღარ არის უსაფრთხო, სთხოვეთ დახმარება თქვენს მშობელს, რომ მან Google-ს აცნობოს.

ბოლო განახლება: 2026 წლის 16 მარტი