Google Payments кызматынын купуялык жөнүндө билдирүүсү

Акыркы жолу качан өзгөргөн: 18-ноябрь, 2024-ж.

Google'дун кызматтарын колдонуп жатканда жеке маалыматыңыздын кандайча колдонулары Google'дун купуялык эрежелеринде айтылган. 18 жашка чыга элек колдонуучулар үчүн кошумча маалымат Google'дун Интернеттеги купуялык тууралуу өспүрүмдөргө арналган маалыматта келтирилген.

Google Payments кызматы Google аккаунту бар колдонуучуларга сунушталып, Google'дун Купуялык эрежелерине ылайык колдонулат. Мындан тышкары, бул Купуялык жөнүндө билдирүүдө Google Payments кызматына тийиштүү маалымат камтылган.

Google Payments кызматын Google Payments'тин Тейлөө шарттарына ылайык колдоносуз жана анда ушул Купуялык жөнүндө билдирүүдө көрсөтүлгөн Кызматтар тууралуу кеңири маалымат берилген. Бул Купуялык жөнүндө билдирүүдө баш тамга менен жазылып, бирок чечмеленбеген терминдер Google Payments кызматынын Тейлөө шарттарына ылайык чечмеленүүгө тийиш.

Google Payments'тин Купуялык жөнүндө билдирүүсү Google LLC же анын Google Payment Corp. ("GPC") сыяктуу туунду компаниялары көрсөткөн кызматтарга колдонулат. Кызматты кайсы туунду компания көрсөтүп жатканын билүү үчүн Google Payments'тин Тейлөө шарттарындагы кызматтар бөлүмүнө өтүңүз.

Бразилияда жайгашкан колдонуучулардын маалыматын Google LLC компаниясы көзөмөлдөйт.Бразилиянын мыйзамы талап кылганөзгөчө учурларда Google Brasil Pagamentos Ltda компаниясы көзөмөлдөшү мүмкүн.
Европа экономикалык аймагында (Улуу Британиядан башка) жайгашкан колдонуучулардын (Google'дун соода аянтчаларын пайдаланган колдонуучулардан тышкары) жеке маалыматына Google Ireland Limited компаниясы жооптуу.
Европа экономикалык аймагында (Улуу Британиядан башка) жайгашкан колдонуучулардын (Google'дун соода аянтчаларын пайдаланган колдонуучулардан тышкары) жеке маалыматына Google Ireland Limited компаниясы жооптуу.
Улуу Британияда жайгашкан колдонуучулардын (Google'дун соода аянтчаларын пайдаланган колдонуучулардан тышкары) маалыматын Google LLC компаниясы көзөмөлдөйт.
Улуу Британияда жайгашкан колдонуучулардын, Google'дун соода аянтчаларын пайдаланган колдонуучулардан тышкары, маалыматын Google LLC компаниясы көзөмөлдөйт.

Кандай маалыматты топтойбуз?

Google'дун Купуялык эрежелеринде көрсөтүлгөн маалыматтан тышкары төмөнкүдөй маалыматты да чогултушубуз мүмкүн:

Катталып жатканда берилген маалыматты

Google Payments кызматын пайдалануу үчүн Google аккаунтуңузга байланган Google төлөм профилиңиз болушу керек. Google Payments кызматында аткарылып жаткан операцияларга жараша Google'дун Купуялык эрежелеринде көрсөтүлгөн маалыматтан тышкары төмөнкүлөрдү да сурашыбыз мүмкүн:

насыя же дебет картаңыздын номерин жана картанын мөөнөтү аяктай турган күндү;
банк эсебинин номерин жана мөөнөтү аяктай турган күндү;
дарегиңизди;
телефон номериңизди;
туулган күнүңүздү;
социалдык камсыздандыруу номерин, ИНН же салык төлөөчүнүн идентификациялык номерин (же мамлекет тарабынан берилген өздүгүңүздү аныктоочу документтердин номерлерин);
сатуучулар жана компаниялардын өкүлдөрүнөн: алектенген ишин жана сатуулардын же транзакциялардын көлөмүн.

Айрым учурларда маалыматыңызды же өздүгүңүздү ырастоо үчүн кошумча маалымат сурап же кошумча суроолорду беришибиз мүмкүн. Эгер эсебиңизди байланыш оператору аркылуу каттасаңыз, мобилдик телефонуңуздун эсебин көрсөтүшүңүз керек болот.

Катталып жатканда көрсөткөн маалыматыңыз Google аккаунтуңузга байланып, ал эми төлөм ыкмаңыз Google'дун серверлеринде сакталат. Айрым маалыматыңыз мобилдик түзмөгүңүздө да сакталып кала берет.

Үчүнчү тараптардан алынган маалыматты

Сиз тууралуу маалыматты үчүнчү тараптардан, анын ичинде текшерүү кызматтарынан сурашыбыз мүмкүн. Тактап айтканда:

сатуучунун аянтчасында аткарылган Google Payments транзакциялары тууралуу маалымат;
Google Payments'ке байланган төлөм ыкмалары жана үчүнчү тараптардын эсептери;
картанын эмитенти же каржы мекемеси;
төлөм ыкмаңызга байланыштуу функциялар жана бонустар жөнүндө маалымат;
Google төлөм профилиңиздин балансын көрүү үчүн талап кылынган маалымат;
байланыш оператору кабарлаган төлөмдөр тууралуу маалымат;
АКШнын "Насыя тууралуу акниет маалымат берүү" мыйзамы боюнча берилген керектөөчүнүн отчёттору;
үчүнчү тараптарда аткарылган транзакциялар тууралуу маалымат (мисалы, сатуучулар жана төлөм кызматын көрсөтүүчүлөр). Мындай маалымат алдамчылык коркунучтарынын үлгүлөрүн түзүү жана үчүнчү тараптарга алдамчылык коркунучтарын баалоо сыяктуу алдамчылыктын алдын алуу максаттарында колдонулат.

Ошондой эле, сатуучулардан насыялар тарыхы бюросунан же компаниялар тууралуу маалыматтарды сактоочу кызматтардан жеке же коммерциялык мүнөздөгү маалымат сурашыбыз мүмкүн.

Транзакциялар тууралуу маалыматты

Google Payments аркылуу аткарылган транзакциялар жөнүндө маалымат топтойбуз:

ранзакция аткарылган күн, убакыт жана сумма;
атуучунун жайгашкан жери жана учкай маалымат;
товарлар же кызматтар тууралуу сатуучу берген учкай маалымат;
транзакцияга байланыштуу сүрөт;
сатуучунун жана сатып алуучунун (же жөнөтүүчүнүн жана алуучунун) аты-жөнү жана электрондук почта даректери;
төлөм ыкмасы;
транзакциянын себеби жана бонустар (эгер болсо).

Топтолгон маалымат кандайча колдонулат

Google'дун Купуялык эрежелеринде келтирилген максаттардан тышкары, Google Payment Corp. (GPC) же башка туунду компанияларыбызга Google Payments колдонуучулары же үчүнчү тараптар берген маалыматты төмөнкүдөй максаттарда колдонобуз:

Google Payments кызматында кардарларды тейлөө;
Google'дун, колдонуучулардын жана башка адамдардын укуктарынын бузулушуна, мүлкүнө же коопсуздугуна келтирилген коркунучтарга жол бербөө (шылуундук, фишинг сыяктуу);
yчүнчү тараптагы компанияларга сизге товар сатууга же сизди тейлөөгө көмөктөшүү;
Google төлөм профилиңизде кызматтын бардык эрежелери менен шарттарын аткарып жатканыңызды текшерүү;
келечектеги Google Payments транзакциялары боюнча чечим кабыл алуу;
буга чейинки жана учурдагы маалыматтарыңыздын негизинде алдамчылык коркунучтарынын үлгүлөрүн түзүү жана үйрөтүү, ошондой эле алдамчылык коркунучтарын баалоо жана ошол маалыматты укуктардын бузулушуна жол бербөө максатында үчүнчү тараптарга берүү;
Google Payments'ти колдонууда төлөм ыкмасын жакшыраак аныктоого жардам берүү үчүн сизге төлөм ыкмаларыңыз жана бонустарыңыз жөнүндө маалымат берүү;
Google Payments кызматындагы транзакцияларыңызга байланыштуу башка мыйзамдуу иштерди бүтүрүү.

Сиз берген маалымат Google Payments кызматын колдонуп жаткан мөөнөткө чейин сакталат. Мыйзамдарды жана ченемдик укуктук актыларды аткаруу үчүн маалыматты сактоо мөөнөтү узартылышы мүмкүн.

Үчүнчү тараптарга кандай маалымат берилет

Жеке маалыматыңызды Google'дан башка компаниялар же жеке жактар менен төмөнкү учурларда гана бөлүшөбүз:

Google'дун Купуялык эрежелеринде уруксат берилген учурларда;
мыйзам боюнча талап кылынганда;
транзакцияңызды иштетүү, аккаунтуңузду тейлөө, ошондой эле коопсуздукту бекемдөө жана аккаунтуңузду шылуундуктан коргоо сыяктуу күнүмдүк иштерди бүтүрүш керек болгондо;
чүнчү тараптагы кызматка катталыш керек болгондо;
сайтына же колдонмосуна кирген үчүнчү тарапка ошол сайт же колдонмо аркылуу кандайдыр бир нерселерди сатып алууга Google төлөм профилиңиздин бар экенин билдириш керек болгондо. Кааласаңыз, бул параметрди өчүрүп койсоңуз болот;
чүнчү тараптар менен болгон транзакцияларыңызды алдамчылыктан жана кыянаттыктан коргоо үчүн алдамчылык коркунучтарын баалоо сыяктуу маалыматтарды Google кызматтарын колдонгон үчүнчү тараптарга бериш керек болгондо;
Төлөм ыкмаңыздын коопсуздугун же сизге алардын функциялары жана бонустары жөнүндө маалымат берүү үчүн жеке маалыматыңызды төлөм ыкмаңыздын эмитенти, төлөм тармагы, иштетүүчүлөр жана алардын өнөктөш компанияларына бериш керек болгондо.

Маалыматыңыз үчүнчү тараптарга берилиши мүмкүн болгон учурлардын мисалдары::

Google Payments аркылуу бир нерсе сатып алып жатканда же транзакция аткарылып жатканда, сатуучу сиз тууралуу белгилүү бир маалыматты алат. Ал эми Google Play'ден сатып алып жатсаңыз, жеке маалыматыңыз колдонмону иштеп чыгуучуга берилет;
Google Pay аркылуу вебсайттан же колдонмодон бир нерсе сатып алганыңызда, сатуучу салыкты, жеткирүү акысын жана буйрутмаңызга байланыштуу башка маалыматты эсептей алышы үчүн ага почта индексин жана төлөм ыкмасы тууралуу маалымат беришибиз мүмкүн. Ушуну менен, сатуучу төлөм ыкмаңызды кабыл алса болорун, ошондой эле төлөм ыкмаңызга байланыштуу бонустар менен чектөөлөрдү биле алат;
Google төлөм профилиңизге үчүнчү тараптын төлөм ыкмасын кошсоңуз, ошол кызматты көрсөтө алуу үчүн үчүнчү тараптагы төлөм кызматтарын көрсөтүүчүгө белгилүү бир жеке маалыматыңызды беришибиз мүмкүн. Мындай маалыматка аты-жөнүңүз, профилиңиздин сүрөтү, электрондук почтаңыз, Интернет протоколунун (IP) дареги, эсептешүү дарегиңиз, телефон номериңиз, түзмөк тууралуу маалымат, жайгашкан жериңиз жана Google аккаунтуңуздун статистикасы кирет;
Үчүнчү тараптагы сатуучунун сайтына же колдонмосуна киргениңизде, сатуучу анын сайтынан же колдонмосунан бир нерсе сатып алууга жарамдуу төлөм ыкмаңыздын бар экенин текшериши мүмкүн. Ушуну менен, сайтта же колдонмодо сизге керектүү функциялар гана сунушталат;
Үчүнчү тараптагы компанияда (мисалы, сатуучулар жана төлөм кызматтарын көрсөтүүчүлөр) кандайдыр бир транзакция аткарылганда, алдамчылык өңдүү мыйзамсыз иштерге жол бербөө максатында гана ошол транзакцияга байланыштуу алдамчылык коркунучтарын баалоо сыяктуу маалыматты беришибиз мүмкүн.

Биз топтогон, ошондой эле үчүнчү тараптардан алынган маалымат туунду компанияларыбызга, башкача айтканда, Google LLC компаниясынын карамагындагы жана көзөмөлүндөгү компанияларга берилиши мүмкүн. Каржылык же каржылык эмес уюм болушу мүмкүн болгон өнөктөш компанияларыбыз мындай маалыматты ушул Купуялык

жөнүндө билдирүүдө жана Google'дун Купуялык эрежелеринде айтылган максаттарда, ошондой эле күнүмдүк иштерди бүтүрүү үчүн колдонушат.

Белгилүү бир учурларда, GPC жана анын туунду компанияларына белгилүү бир маалыматты берүүдө баш тарта аласыз. Тактап айтканда:

компаниянын күнүмдүк иштерин бүтүрүү үчүн насыя алууга жөндөмдүүлүгүңүз тууралуу маалыматты берүүдөн; жана/же
жеке маалыматыңыздын, ошондой эле аккаунтуңуздун таржымалынын маркетинг максаттарында колдонулушунан.

Кааласаңыз, Google LLC же анын туундуу компанияларына үчүнчү тараптагы сатуучуларга алардын сайттарында жана колдонмолорунда бир нерсе сатып алууга Google төлөм профилиңиздин бар экенин айтууга тыюу сала аласыз.

Кайра уруксат бермейинче, тыюу салына берет.

Эгер насыя алуу жөндөмдүүлүгүңүз тууралуу маалыматты GPC жана анын туундукомпанияларына берүүгө, биз топтогон жеке маалыматыңыздын маркетинг максаттарында колдонулушуна, Google LLC же анын туундуу компанияларына үчүнчү тараптагы сатуучуларга алардын сайттарында жана колдонмолорунда кандайдыр бир нерсе сатып алууга Google төлөм профилиңиздин бар экенин айтууга уруксат бергиңиз келбесе, аккаунтуңузга кирип, Google Payments кызматынын купуялык параметрлерине өтүп, параметрлерди өзгөртүңүз.

Жеке маалыматыңызды GPC'ден башка тарап же туундуу компаниялар менен бөлүшпөйбүз, ушул Купуялык жөнүндө билдирүүдө же Google'дун Купуялык эрежелеринде айтылган шарттарды эске албаганда. Google Payments кызматын Google аккаунту бар колдонуучулар гана колдоно алышат. Google аккаунтун каттап жатканда Google LLC компаниясына берген маалыматка бул Купуялык жөнүндө билдирүүдө маалыматты колдонууга тыюу салган шарттар колдонулбайт.

Маалыматтыңыздын коопсуз сакталышы

Коопсуздук тууралуу толук маалымат алуу үчүн Google'дун Купуялык эрежелери менен таанышып чыгыңыз.

Google төлөм профилиңиздин коопсуздугуна өзүңүз жооп берип, аккаунтуңуздун сырсөзүн (-дөрүн), PIN коддорду жана кызматка байланыштуу маалыматтардын купуялыгын өзүңүз камсыз кыласыз.

Эгер бул маалыматтарды кимдир бирөө билип алса, ал Google төлөм профилиңизге кирип жана жеке маалыматыңызды көрө алышы мүмкүн.
Мобилдик түзмөгүңүздү жана Google Payments колдонмосун өзүңүз коргоп, сырсөздүн (-дөрдүн), жана/же PIN коддордун купуялыгын өзүңүз камсыз кыласыз.
Ошондой эле, Google Payments колдонмосундагы маалыматым уурдалды деп шектенсеңиз, ал тууралуу дароо Google'га же тийиштүү өнөктөш компанияга кабар беришиңиз керек.

Үчүнчү тараптагы сатуучуга, вебсайтка же колдонмого өзүңүз берген маалымат ушул Купуялык жөнүндө билдирүү менен корголбойт. Жеке маалыматыңызды өзүңүз берген сатуучулардын же башка үчүнчү тараптардын маалыматтын купуялыгын жана коопсуздугун камсыз кылган эрежелери менен шарттары үчүн биз жооп бербейбиз. Мындай учурларда, ошол үчүнчү тараптын купуялык эрежелерин карап чыгууну сунуштайбыз.