Google Payments தனியுரிமை அறிக்கை

கடைசியாக மாற்றியது: மார்ச் 16, 2026

நீங்கள் Google தயாரிப்புகளையும் சேவைகளையும் பயன்படுத்தும்போது தனிப்பட்ட தகவல்களை நாங்கள் எப்படிக் கையாள்கிறோம் என்பதை Google தனியுரிமைக் கொள்கை விவரிக்கிறது. நீங்கள் 18 வயதிற்குட்பட்டவர் என்றால், டீன் ஏஜர்களுக்கான Google தனியுரிமை வழிகாட்டியிலும் சிறுவர்களுக்கான Google Payments தனியுரிமை வழிகாட்டியிலும் கூடுதல் தகவல்களைப் பார்க்கலாம்.

Google கணக்குதாரர்களுக்கு Google Payments வழங்கப்படுகிறது. இதை நீங்கள் பயன்படுத்துவது Google தனியுரிமைக் கொள்கைக்கு உட்பட்டதாகும். அத்துடன், இந்தத் தனியுரிமை அறிக்கை Google Payments சார்ந்த Google தனியுரிமை நடைமுறைகளை விவரிக்கிறது.

உங்கள் Google Payments பயன்பாடு Google Payments சேவை விதிமுறைகளால் நிர்வகிக்கப்படுகிறது. இந்த விதிமுறைகள் இந்தத் தனியுரிமை அறிக்கைக்குட்பட்ட சேவைகளை இன்னும் விரிவாக விவரிக்கின்றன. இந்தத் தனியுரிமை அறிக்கையில் வரையறுக்கப்படாத பேரெழுத்துச் சொற்கள் Google Payments சேவை விதிமுறைகளில் அவற்றுக்கு வழங்கப்பட்டுள்ள அர்த்தத்தையே கொண்டிருக்கும்.

Google LLC அல்லது அதற்கு முழு உரிமையுள்ள துணை நிறுவனங்கள் (Google Payment Corp. (“GPC”) உட்பட) வழங்கும் சேவைகளுக்கு Google Payments தனியுரிமை அறிக்கை பொருந்தும். எந்தத் துணை நிறுவனம் சேவையை வழங்குகிறது என்பதை அறிய, சேவைக்குள் உங்களுக்கு வழங்கப்படும் Google Payments சேவை விதிமுறைகளைப் பாருங்கள்.

பிரேசிலில் உள்ள பயனர்களின் தகவல்களுக்குப் பொறுப்பேற்கும் டேட்டா கண்ட்ரோலர் Google LLC ஆகும். எனினும் சில சூழல்களில், பிரேசிலியச் சட்டத்தின்படி தேவைப்படும் அளவிற்கு Google Brasil Pagamentos Ltda நிறுவனமும் டேட்டா கண்ட்ரோலராக இருக்கக்கூடும்.
யுனைடெட் கிங்டம் அல்லாத மற்ற ஐரோப்பியப் பொருளாதாரப் பகுதியில் உள்ள பயனர்களின் (Google மார்க்கெட்பிளேஸில் விற்பனை செய்பவர்களைத் தவிர்த்து) தகவல்களுக்குப் பொறுப்பேற்கும் டேட்டா கண்ட்ரோலர் Google Ireland Limited ஆகும்
யுனைடெட் கிங்டம் அல்லாத மற்ற ஐரோப்பியப் பொருளாதாரப் பகுதியில் உள்ள, Google மார்க்கெட்பிளேஸில் விற்பனை செய்யும் பயனர்களின் தகவல்களுக்குப் பொறுப்பேற்கும் டேட்டா கண்ட்ரோலர் Google Payment Ireland Limited ஆகும்
யுனைடெட் கிங்டமில் உள்ள பயனர்களின் (Google மார்க்கெட்பிளேஸில் விற்பனை செய்பவர்களைத் தவிர்த்து) தகவல்களுக்குப் பொறுப்பேற்கும் டேட்டா கண்ட்ரோலர் Google LLC ஆகும்
யுனைடெட் கிங்டமிலோ இஸ்ரேலிலோ இருந்துகொண்டு Google மார்க்கெட்பிளேஸில் விற்பனை செய்யும் பயனர்களின் தகவல்களுக்குப் பொறுப்பேற்கும் டேட்டா கண்ட்ரோலர் Google Payment Limited ஆகும்
இந்தியாவில் வசிக்கும் பயனர்களுக்கு Google India Digital Services Private Limited வழங்கும் Google Pay சேவைக்கு Google Payments தனியுரிமை அறிக்கை பொருந்தாது

நாங்கள் சேகரிக்கும் தகவல்கள்

Google தனியுரிமைக் கொள்கையில் குறிப்பிடப்பட்டுள்ள தகவல்கள் மட்டுமின்றி பின்வருபவற்றையும் நாங்கள் சேகரிக்கக்கூடும்:

பதிவுசெய்தல் தொடர்பான தகவல்கள்

நீங்கள் Google Paymentsஸில் பதிவுசெய்யும்போது, உங்கள் Google கணக்குடன் தொடர்புடைய Google பேமெண்ட் சுயவிவரத்தை உருவாக்குகிறீர்கள். நீங்கள் பயன்படுத்தும் Google Payments சேவைகளைப் பொறுத்து, Google தனியுரிமைக் கொள்கையில் குறிப்பிடப்பட்டுள்ள தகவல்கள் மட்டுமின்றி இதுபோன்ற தகவல்களையும் வழங்குமாறு உங்களிடம் கேட்கப்படலாம்:

கிரெடிட்/டெபிட் கார்டு எண், அந்தக் கார்டின் காலாவதித் தேதி
பேங்க் அக்கவுண்ட் எண் மற்றும் காலாவதித் தேதி
முகவரி
ஃபோன் எண்
பிறந்த தேதி
தேசியக் காப்பீட்டு எண்/வரிசெலுத்துபவரின் அடையாள எண் (அல்லது அரசாங்கம் வழங்கிய பிற அடையாள ஆவண எண்கள்)
குறிப்பாக விற்பனையாளர்கள்/பிசினஸ்களைப் பொறுத்தவரை, உங்கள் பிசினஸ் வகை மற்றும் விற்பனை/பரிவர்த்தனை அளவு குறித்த குறிப்பிட்ட தகவல்கள்

அத்துடன் சில சூழல்களில், உங்கள் தகவல்கள்/அடையாளத்தைச் சரிபார்க்க உதவும்பொருட்டு கூடுதல் தகவல்களை எங்களுக்கு அனுப்பும்படியோ கூடுதல் கேள்விகளுக்குப் பதிலளிக்கும்படியோ நாங்கள் உங்களிடம் கேட்கக்கூடும். இறுதியாக, நீங்கள் மொபைல் நிறுவன/ஆப்ரேட்டர் பில்லிங் கணக்கிற்குப் பதிவுசெய்தால் உங்கள் மொபைல் நிறுவன/ஆப்ரேட்டர் கணக்கு தொடர்பான குறிப்பிட்ட தகவல்களை எங்களுக்கு வழங்குமாறு உங்களிடம் கேட்போம்.

நீங்கள் பதிவுசெய்தது தொடர்பான தகவல்கள் உங்கள் Google கணக்குடன் இணைந்தவையாகவே சேமிக்கப்படும், அவை Googleளின் சேவையகங்களில் சேமிக்கப்படும். குறிப்பிட்ட சில வகை தரவுகள் உங்கள் மொபைல் சாதனத்திலும் சேமிக்கப்படலாம்.

மூன்றாம் தரப்புகளிடமிருந்து பெறப்படும் தகவல்கள்

மூன்றாம் தரப்புச் சரிபார்ப்புச் சேவைகள் உள்ளிட்ட மூன்றாம் தரப்புகளிடமிருந்து உங்களைப் பற்றிய தகவல்களை நாங்கள் பெறக்கூடும். இவற்றில் அடங்குபவை:

வணிகரின் இருப்பிடங்களில் மேற்கொள்ளப்படும் Google Payments பரிவர்த்தனைகளில் இருந்து கிடைக்கப்பெறும் தகவல்கள்
பேமெண்ட் முறைகளை நீங்கள் பயன்படுத்துவது தொடர்பான தகவல்கள், Google Paymentsஸுடன் இணைக்கப்பட்டுள்ள மூன்றாம் தரப்புகளால் வழங்கப்பட்ட உங்கள் கணக்குகள் தொடர்பான தகவல்கள்
உங்கள் கார்டு வழங்குநர் அல்லது நிதி நிறுவனத்தின் அடையாளம்
உங்கள் பேமெண்ட் முறை தொடர்பான அம்சம், பலன் ஆகியவை குறித்த தகவல்கள்
உங்கள் Google பேமெண்ட் சுயவிவரத்திலுள்ள பேலன்ஸ்களை அணுகுவது தொடர்பான தகவல்கள்
மொபைல் நிறுவன/ஆப்பரேட்டர் பில்லிங் தொடர்பாக மொபைல் நிறுவனம்/ஆப்பரேட்டர் வழங்கும் தகவல்கள்
“நுகர்வோர் அறிக்கைகள்” (நுகர்வோர் அறிக்கைகள் என்பது US Fair Credit Reporting Act எனும் சட்டத்தால் வரையறுக்கப்பட்டுள்ளவாறு)
வணிகர்கள், பேமெண்ட் சேவை வழங்குநர்கள் போன்ற மூன்றாம் தரப்புகளுடன் நீங்கள் செய்யும் பரிவர்த்தனைகள் குறித்த தகவல்கள். இந்தத் தகவல்கள் மோசடி ஆபத்து மாடலிங் செயல்முறைக்கும் மூன்றாம் தரப்புகளுக்கு மோசடி ஆபத்து ஸ்கோர்களையும் பிற மோசடித் தடுப்புச் சேவைகளையும் வழங்குவதற்கும் பயன்படுத்தப்படும்.

அத்துடன் விற்பனையாளர்களைப் பொறுத்தவரை, ஒரு கிரெடிட் பீரோ அல்லது பிசினஸ் தகவல் சேவையிடமிருந்து உங்களைப் பற்றியும் உங்கள் பிசினஸைப் பற்றியும் நாங்கள் தகவல்களைப் பெறக்கூடும்.

பரிவர்த்தனைத் தகவல்கள்

ஒரு பரிவர்த்தனையை மேற்கொள்ள நீங்கள் Google Paymentsஸைப் பயன்படுத்தும்போது, பின்வருபவை உட்பட அந்தப் பரிவர்த்தனை தொடர்பான தகவல்களை நாங்கள் சேகரிக்கக்கூடும்:

பரிவர்த்தனைத் தொகை, பரிவர்த்தனை செய்த தேதி, நேரம்
வணிகரின் இருப்பிடம், விளக்கம்
வாங்கிய பொருட்கள்/சேவைகளின் விளக்கம் (விற்பனையாளர் வழங்குவது)
பரிவர்த்தனையுடன் இணைப்பதற்கு நீங்கள் தேர்வுசெய்யும் படம்
விற்பனையாளர், வாங்குபவர் (அல்லது அனுப்புநர், பெறுநர்) ஆகியோரின் பெயர், மின்னஞ்சல் முகவரி
பயன்படுத்தப்படும் பேமெண்ட் முறையின் வகை.
பரிவர்த்தனைக்கான காரணம் குறித்த உங்கள் விளக்கம், பரிவர்த்தனையுடன் தொடர்புடைய ஆஃபர் (ஏதேனுமிருந்தால்)

நாங்கள் சேகரிக்கின்ற தகவல்களை நாங்கள் பயன்படுத்தும் விதம்

எங்களுக்கோ Google Payment Corp. (GPC) நிறுவனத்திற்கோ எங்கள் துணை நிறுவனங்களில் ஏதேனுமொன்றுக்கோ நீங்கள் வழங்கும் தகவல்களையும் உங்களைப் பற்றி மூன்றாம் தரப்புகளிடமிருந்து பெறப்படும் தகவல்களையும் Google தனியுரிமைக் கொள்கையில் குறிப்பிடப்பட்டுள்ள பயன்பாடுகளுக்கு இணங்கப் பயன்படுத்துவோம், உதாரணத்திற்கு:

வாடிக்கையாளர் சேவை நோக்கங்களுக்காக உங்களுக்கு Google Paymentsஸை வழங்குதல்
Google, எங்கள் பயனர்கள் அல்லது பொதுமக்களின் உரிமைகளுக்கோ உடைமைக்கோ பாதுகாப்பிற்கோ தீங்கு ஏற்படுவதைத் தடுத்தல் (மோசடி, ஃபிஷிங் அல்லது பிற தவறான நடவடிக்கைகளைத் தடுக்க உதவுவதும் இதிலடங்கும்)
மூன்றாம் தரப்புகளிடம் நீங்கள் கேட்கும் தயாரிப்புகள்/சேவைகளை வழங்குவதில் அவர்களுக்கு உதவுதல்
சேவை விதிமுறைகளை நீங்கள் தொடர்ந்து பின்பற்றுகிறீர்களா என்பதைத் தீர்மானிப்பதற்காக உங்கள் Google பேமெண்ட் சுயவிவரத்தைச் சரிபார்த்தல்
உங்கள் எதிர்கால Google Payments பரிவர்த்தனைகள் குறித்த முடிவுகளை எடுத்தல்
உங்கள் முந்தைய, தற்போதைய தகவல்களை வைத்து மோசடி ஆபத்து மாடல்களை உருவாக்குதல், அவற்றுக்குப் பயிற்சியளித்தல், மோசடி அல்லது தவறான பயன்பாட்டைத் தடுக்கும் நோக்கங்களுக்காக மட்டுமே மூன்றாம் தரப்புகளுடன் பகிரப்படுகின்ற மோசடி ஆபத்து ஸ்கோர்களையும் மதிப்பீடுகளையும் உருவாக்குதல்
உங்கள் பேமெண்ட் முறையின் அம்சங்கள், பலன்கள் ஆகியவை குறித்த தகவல்களை உங்களுக்கு வழங்குதல்
நீங்கள் துவங்கிய Google Payments பரிவர்த்தனைகளுடன் தொடர்புடைய பிற சட்டப்படியான பிசினஸ் தேவைகளைப் பூர்த்திசெய்தல்
விளம்பரங்களின் செயல்திறன் உட்பட, Google Payments மற்றும் Google சேவைகள் எப்படிப் பயன்படுத்தப்படுகின்றன என்பதைப் புரிந்துகொள்ள பகுப்பாய்வு மற்றும் அளவீட்டை மேற்கொள்ளுதல் (குறிப்பிட்ட நாடுகளில்)
உங்கள் அமைப்புகளைப் பொறுத்து நீங்கள் பார்க்கும் விளம்பரங்களைப் பிரத்தியேகமாக்குவது உட்பட Google Payments மற்றும் பிற Google சேவைகள் வழங்கும் அனுபவங்களைப் பிரத்தியேகமாக்குதல் (குறிப்பிட்ட நாடுகளில்)

நீங்கள் வழங்குகின்ற தகவல்களை நீங்கள் Google Paymentsஸைப் பயன்படுத்துகின்ற வரையில் நாங்கள் தக்கவைத்திருக்கக்கூடும். எங்கள் சட்டப்பூர்வ மற்றும் ஒழுங்குமுறைக் கட்டாயங்களுக்கு இணங்குவதற்கான தேவை இருக்கும்பட்சத்தில் கூடுதல் காலத்திற்கும் நாங்கள் அவற்றைத் தக்கவைத்திருக்கக்கூடும்.

நாங்கள் பகிர்கின்ற தகவல்கள்

பின்வரும் சூழல்களில் மட்டுமே உங்கள் தனிப்பட்ட தகவல்களை Googleளைச் சாராத பிற நிறுவனங்களுடனோ தனிநபர்களுடனோ பகிர்வோம்:

Google தனியுரிமைக் கொள்கையின் கீழ் அனுமதிக்கப்பட்டுள்ள சூழல்
சட்டத்தால் அனுமதிக்கப்பட்டுள்ள சூழல்
உங்கள் பரிவர்த்தனையைச் செயலாக்க வேண்டிய சூழல்கள், உங்கள் கணக்கைப் பராமரிக்க வேண்டிய சூழல்கள் (பாதுகாப்பு மேம்பாடுகளை வழங்குதல், உங்கள் கணக்கை மோசடியிலிருந்து பாதுகாத்தல், பிற அன்றாட பிசினஸ் நோக்கங்களுக்காக உட்பட)
மூன்றாம் தரப்பு வழங்கும் சேவைக்கு நீங்கள் கேட்ட பதிவுசெய்தலை நிறைவுசெய்வதற்கு
Google Pay கிடைக்கும் இடங்களில், நீங்கள் பார்வையிடும் மூன்றாம் தரப்பு வணிகரின் ஆப்ஸ்/தளம் மூலம் பேமெண்ட்டுகள் செய்வதற்குப் பயன்படுத்தப்படக்கூடிய Google பேமெண்ட் சுயவிவரம் உங்களிடம் உள்ளதா என்பதை அந்த வணிகருக்குத் தெரிவிப்பதற்கு. உங்கள் கார்டு நெட்வொர்க், கார்டு எண்ணின் கடைசி 4 இலக்கங்கள் போன்ற உங்கள் பேமெண்ட் முறை குறித்த குறிப்பிட்ட சில விவரங்கள் இதில் அடங்கலாம். இந்த அமைப்பை ஆஃப் செய்வதற்கு நீங்கள் தேர்வுசெய்யலாம்
மூன்றாம் தரப்புகளுடனான உங்கள் பரிவர்த்தனைகளை மோசடி, தவறான பயன்பாடு ஆகியவற்றிலிருந்து பாதுகாக்க, Googleளின் ரிஸ்க் ஸ்கோரையும் மோசடித் தடுப்புச் சேவைகளையும் பயன்படுத்துகின்ற மூன்றாம் தரப்புகளுடன் மோசடி ஆபத்து ஸ்கோர்களையும் பிற மோசடி மதிப்பீடுகளையும் பகிர்வதற்கு
உங்கள் பேமெண்ட் முறை பாதுகாப்பானது, செல்லத்தக்கது என்பதை உறுதிசெய்ய உதவவும், அதன் அம்சங்கள், பலன்கள் ஆகியவற்றுடன் தொடர்புடைய தகவல்களை உங்களுக்கு வழங்கவும் உங்கள் பேமெண்ட் முறை வழங்குநர், பேமெண்ட் நெட்வொர்க், ப்ராசஸர்கள் மற்றும் அவற்றின் இணை நிறுவனங்களுடன் உங்கள் தனிப்பட்ட தகவல்களை நாங்கள் பகிரக்கூடும்

எப்போது தகவல்கள் பகிரப்படலாம் என்பதற்கான உதாரணங்கள்:

நீங்கள் Google Paymentsஸைப் பயன்படுத்தி ஒரு நிறுவனம்/தனிநபரிடம் பர்ச்சேஸோ பரிவர்த்தனையோ செய்யும்போது, உங்களைப் பற்றிய குறிப்பிட்ட சில தனிப்பட்ட தகவல்களை அவர்களுடன் நாங்கள் பகிர்வோம். Google Playயில் Google Paymentsஸைப் பயன்படுத்தி ஒரு டெவெலப்பரிடம் நீங்கள் பர்ச்சேஸ் செய்யும்போது, உங்கள் தனிப்பட்ட தகவல்களை அவருடன் பகிர்வதும் இதிலடங்கும்.
Google Pay மூலம் ஓர் ஆப்ஸ்/இணையதளத்தில் நீங்கள் பர்ச்சேஸ் செய்யும்போது, உங்கள் அஞ்சல் குறியீட்டையும் உங்கள் பேமெண்ட் முறை குறித்த தகவல்களையும் நாங்கள் பகிரக்கூடும். இதனால் வரி, ஷிப்பிங் கட்டணங்கள், உங்கள் ஆர்டரின் கட்டணம் தொடர்பான பிற விவரங்கள் (டெலிவரி கட்டணங்கள், விலை குறித்த பிற தகவல்கள் போன்றவை) ஆகியவற்றை வணிகரால் கணக்கிட முடிவதோடு, உங்களிடமிருந்து அந்தப் பேமெண்ட் வகையையும் உங்கள் பர்ச்சேஸுக்கான குறிப்பிட்ட பேமெண்ட் வகைகளுக்கான பலன்கள்/கட்டுப்பாடுகளையும் வணிகரால் ஏற்க முடியுமா என்பதைக் கண்டறியவும் முடியும்.
உங்கள் Google பேமெண்ட் சுயவிவரத்தில் ஒரு மூன்றாம் தரப்புப் பேமெண்ட் முறையைச் சேர்க்கும்போது, குறிப்பிட்ட சில தனிப்பட்ட தகவல்களை மூன்றாம் தரப்புப் பேமெண்ட் வழங்குநருடன் நாங்கள் பரிமாற்றக்கூடும். இதனால் நாங்கள் இருவரும் உங்களுக்குச் சேவையை வழங்க முடியும். உங்கள் பெயர், சுயவிவரப் படம், மின்னஞ்சல் முகவரி, இண்டர்நெட் புரோட்டோகால் (IP) முகவரி, பில்லிங் முகவரி, ஃபோன் எண், சாதனத் தகவல்கள், இருப்பிடம், Google கணக்கின் செயல்பாடுகள் குறித்த தகவல்கள் உள்ளிட்டவை இந்தத் தகவல்களில் அடங்கலாம்.
Google Pay கிடைக்கும் இடங்களில், பங்கேற்கும் வணிகரின் தளங்கள்/ஆப்ஸை நீங்கள் பார்வையிடும்போது சீரான அனுபவத்தை உறுதிசெய்யவும் தொடர்புடைய பேமெண்ட் விருப்பங்களை உங்களுக்கு வழங்கவும், தகுதிபெறும் பேமெண்ட் முறையுடன் கூடிய Google பேமெண்ட் சுயவிவரம் உங்களிடம் உள்ளதா என்பதை வணிகர் சரிபார்க்கக்கூடும். நீங்கள் தேர்ந்தெடுத்த பேமெண்ட் முறையை அடையாளம் காண உங்களுக்கு உதவுவதற்காக மட்டுமே கார்டு நெட்வொர்க், உங்கள் கார்டு எண்ணின் கடைசி 4 இலக்கங்கள் போன்ற சில விவரங்களை இந்தச் செயல்பாட்டில் Google பகிரக்கூடும்.
வணிகர்கள், பேமெண்ட் சேவை வழங்குநர்கள் போன்ற மூன்றாம் தரப்புடன் நீங்கள் பரிவர்த்தனை செய்யும்போது, மோசடி அல்லது தவறான பயன்பாட்டை அவர்கள் தடுப்பதற்காக மட்டுமே உங்கள் பேமெண்ட் பரிவர்த்தனை தொடர்பான மோசடி அபாய ஸ்கோர்களையும் பிற மோசடி மதிப்பீடுகளையும் இந்த மூன்றாம் தரப்புகளுக்கு நாங்கள் அனுப்பக்கூடும்.

மூன்றாம் தரப்புகளிடமிருந்து பெறப்படும் தகவல்கள் உட்பட நாங்கள் சேகரிக்கும் தகவல்கள் எங்கள் இணை நிறுவனங்களுடன் பகிரப்படலாம். இணை நிறுவனங்கள் என்பவை Google LLCக்குச் சொந்தமான, அதனால் கட்டுப்படுத்தப்படும் பிற நிறுவனங்களாகும். எங்கள் இணை நிறுவனங்கள் (நிதி நிறுவனங்களாகவும் நிதிசாரா நிறுவனங்களாகவும் இருக்கலாம்) அவற்றின் அன்றாட பிசினஸ் நோக்கங்கள் உட்பட இந்தத் தனியுரிமை அறிக்கையிலும் Google தனியுரிமைக் கொள்கையிலும் குறிப்பிடப்பட்டுள்ள நோக்கங்களுக்காக இத்தகைய தகவல்களைப் பயன்படுத்தும்.

GPCக்கும் அதன் இணை நிறுவனங்களுக்கும் இடையிலான குறிப்பிட்ட சில பகிர்வுகளுக்கான ஒப்புதலை நீக்குவதற்கான உரிமையை நாங்கள் உங்களுக்கு வழங்குகிறோம் (பொருந்தும்பட்சத்தில்). குறிப்பாக, நீங்கள் இவற்றுக்கான ஒப்புதலை நீக்கலாம்:

அன்றாட பிசினஸ் நோக்கங்களுக்காக GPCக்கும் அதன் இணை நிறுவனங்களுக்கும் இடையே உங்கள் கடன் நம்பகத்தன்மை தொடர்பான தகவல்களைப் பகிர்தல்; மற்றும்/அல்லது
நாங்கள் சேகரித்து எங்கள் இணை நிறுவனங்களுடன் பகிரும் உங்கள் தனிப்பட்ட தகவல்களின் அடிப்படையில் அவை தங்கள் தயாரிப்புகள்/சேவைகளை உங்களிடம் மார்க்கெட்டிங் செய்தல். எங்களுடனான உங்கள் கணக்குச் செயல்பாடுகளும் இதிலடங்கும்

நீங்கள் பார்வையிடுகின்ற மூன்றாம் தரப்பு வணிகரின் தளம்/ஆப்ஸ் மூலம் பேமெண்ட் செய்வதற்குப் பயன்படுத்தப்படக்கூடிய Google பேமெண்ட் சுயவிவரம் உங்களிடம் உள்ளதா என்பதை Google LLCயோ அதன் இணை நிறுவனங்களோ அந்த வணிகருக்குத் தெரிவிப்பதற்கான ஒப்புதலை நீக்குவதற்கும் நீங்கள் தேர்வுசெய்யலாம்.

இந்த அமைப்பை ஆஃப் செய்ய நீங்கள் தேர்வுசெய்தால், உங்கள் விருப்பத்தை மாற்றும்படி எங்களிடம் தெரிவிக்கும்வரை அமைப்பு ஆஃப் செய்யப்பட்டிருக்கும்.

GPCக்கும் அதன் இணை நிறுவனங்களுக்கும் இடையே உங்கள் கடன் நம்பகத்தன்மை தொடர்பான தனிப்பட்ட தகவல்களை நாங்கள் பகிர வேண்டாம் என்றோ நாங்கள் சேகரித்து எங்கள் இணை நிறுவனங்களுடன் பகிரும் உங்கள் தனிப்பட்ட தகவல்களை அந்நிறுவனங்கள் உங்களிடம் மார்க்கெட்டிங் செய்வதற்காகப் பயன்படுத்த வேண்டாம் என்றோ நீங்கள் ஒரு மூன்றாம் தரப்பு வணிகரின் தளம்/ஆப்ஸைப் பார்வையிடும்பட்சத்தில் Google LLCயோ அதன் இணை நிறுவனங்களோ உங்களிடம் Google பேமெண்ட் சுயவிவரம் உள்ளதா என்பதை அந்த வணிகருக்குத் தெரிவிக்க வேண்டாம் என்றோ நீங்கள் விரும்பினால், உங்கள் கணக்கிற்குள் உள்நுழைந்து Google Payments தனியுரிமை அமைப்புகளுக்குச் சென்று உங்கள் தனியுரிமை விருப்பத்தேர்வுகளை மாற்றிக்கொள்ளலாம்.

இந்தத் தனியுரிமை அறிக்கையிலும் Google தனியுரிமைக் கொள்கையிலும் குறிப்பிட்டுள்ளதைத் தவிர வேறு எதற்காகவும் உங்கள் தனிப்பட்ட தகவல்களை GPC சாராதவர்களுடனும் எங்கள் இணை நிறுவனங்களுடனும் நாங்கள் பகிர மாட்டோம். Google Payments என்பது Google கணக்குதாரர்களுக்கு வழங்கப்படுகின்ற ஒரு தயாரிப்பாகும். ஒரு Google கணக்கிற்குப் பதிவுசெய்யும் நோக்கத்திற்காக Google LLCக்கு நீங்கள் வழங்கும் தரவு இந்தத் தனியுரிமை அறிக்கையில் உள்ள ஒப்புதல் நீக்கம் சார்ந்த விதிமுறைகளால் பாதிக்கப்படாது.

உங்கள் தகவல்களைப் பாதுகாப்பாக வைத்திருத்தல்

எங்கள் பாதுகாப்பு நடைமுறைகள் குறித்த கூடுதல் தகவல்களுக்கு, முதன்மை Google தனியுரிமைக் கொள்கையைப் பாருங்கள்.

உங்கள் கணக்கின் கடவுச்சொற்கள், பின்கள் (PIN), சேவையை அணுகுவதற்கான பிற தகவல்கள் ஆகியவற்றை நீங்கள் ரகசியமாக வைத்திருப்பதைப் பொறுத்தே உங்கள் Google பேமெண்ட் சுயவிவரத்தின் பாதுகாப்பு உள்ளது :

உங்கள் Google கணக்கு விவரத்தை ஒரு மூன்றாம் தரப்புடன் பகிர்ந்தால், அந்தத் தரப்பால் உங்கள் Google பேமெண்ட் சுயவிவரத்தையும் தனிப்பட்ட தகவல்களையும் அணுக முடியும்
உங்கள் மொபைல் சாதனத்திற்கான அணுகலையும் சாதனத்திலுள்ள Google Walletடுக்கான அணுகலையும் கட்டுப்படுத்துவது உங்கள் பொறுப்பாகும். உங்கள் கடவுச்சொற்கள் மற்றும்/அல்லது பின்னை யாருடனும் பகிராமல் ரகசியமாக வைத்திருப்பதும் இதிலடங்கும்.
Google Paymentsஸில் உள்ள தகவல்களின் பாதுகாப்பிற்கு ஆபத்து ஏற்பட்டுள்ளதாக நீங்கள் கருதினால் அதுகுறித்து Googleளுக்கோ தொடர்புடைய கூட்டாளருக்கோ தெரிவிப்பதும் உங்கள் பொறுப்பாகும்.

மூன்றாம் தரப்பு வணிகர், இணையதளம் அல்லது ஆப்ஸுக்கு நீங்கள் நேரடியாக வழங்குகின்ற தகவல்கள் எதுவும் இந்தத் தனியுரிமை அறிக்கையின் கீழ் வராது. தனிப்பட்ட தகவல்களை நீங்களே நேரடியாகப் பகிரும் வியாபாரிகள் அல்லது பிற மூன்றாம் தரப்பினரின் தனியுரிமை/பாதுகாப்புச் செயல்பாடுகளுக்கு நாங்கள் பொறுப்பல்ல. உங்கள் தனிப்பட்ட தகவல்களை நீங்கள் நேரடியாகப் பகிர்வதற்குத் தேர்வுசெய்கின்ற எந்தவொரு மூன்றாம் தரப்பினரின் தனியுரிமைக் கொள்கைகளையும் படித்துப் பார்க்குமாறு நாங்கள் பரிந்துரைக்கிறோம்.