Ilani ya Faragha ya Google Payments

Mara ya Mwisho Kurekebishwa: Machi 28, 2022

Sera ya Faragha ya Google inaeleza jinsi tunavyoshughulikia taarifa binafsi unapotumia bidhaa na huduma za Google. Ikiwa wewe ni mtumiaji mwenye umri wa chini ya miaka 18, unaweza kupata nyenzo za ziada katika Mwongozo wa Google wa Faragha kwa Vijana. Huduma ya Google Payments inatolewa kwa wamiliki wa Akaunti za Google na unaitumia kwa mujibu wa Sera ya Faragha ya Google. Ilani hii ya Faragha pia inaeleza kuhusu desturi za faragha za Google zinazotumika kwenye Google Payments.

Unapotumia Google Payments, unatakiwa kuzingatia Sheria na Masharti ya Google Payments ambayo yanaeleza kwa kina zaidi kuhusu Huduma zilizojumuishwa katika Ilani hii ya Faragha. Maneno yaliyoandikwa kwa herufi kubwa ambayo hayajafafanuliwa katika Ilani hii ya Faragha ya Google Payments yanafasiliwa katika Sheria na Masharti ya Google Payments.

Ilani ya Faragha ya Google Payments inatumika katika Huduma zinazotolewa na Google LLC au kampuni zinazomilikiwa nayo kikamilifu, ikiwemo Google Payment Corp, ('GPC'). Tafadhali soma Sheria na Masharti ya Google Payments yanayopatikana katika Huduma ili upate maelezo kuhusu kampuni inayomilikiwa na Google ambayo inatoa Huduma husika. Kwa watumiaji (isipokuwa wanaouza kwenye soko la Google) wanaoishi nchi washirika katika Makubaliano ya Kiuchumi ya Ulaya (bila kujumuisha Uingereza), mdhibiti wa data yao ni Google Ireland Limited. Kwa watumiaji (isipokuwa wanaouza kwenye soko la Google) wanaoishi Uingereza, mdhibiti wa data yao ni Google LLC. Ikiwa wewe ni mtumiaji kwenye nchi washirika katika Makubaliano ya Kiuchumi ya Ulaya, isipokuwa Uingereza, na unauza kwenye soko la Google, mdhibiti wa data yako ni Google Payment Ireland Limited. Ikiwa unaishi Uingereza na unauza kwenye soko la Google, mdhibiti wa data yako ni Google Payment Limited. Kwa watumiaji walio nchini Brazil, mdhibiti wa data yao ni Google LLC na kwa kiasi fulani inavyotakiwa na sheria za Brazil, mdhibiti anaweza kuwa Google Brasil Pagamentos Ltda.

Taarifa tunazokusanya

Kando na taarifa zilizoorodheshwa katika Sera ya Faragha ya Google, huenda pia tukakusanya taarifa zifuatazo:

Jinsi tunavyotumia taarifa tunazokusanya

Mbali na matumizi yaliyoorodheshwa katika Sera ya Faragha ya Google, tunatumia maelezo unayotupa na unayotoa kwa GPC, au kampuni zingine tunazomiliki na pia watu au kampuni nyingine, kukupa huduma tunazotoa kwa wateja wa Google Payments na kulinda haki, mali au usalama kwenye Google, watumiaji wetu, au umma, ikiwemo kukulinda dhidi ya ulaghai, wizi wa data ya binafsi au ukiukaji mwingine. Huenda maelezo kama haya yakatumika kusaidia washirika wengine kukupa huduma unazohitaji. Pia tunatumia maelezo haya kukagua Akaunti yako ya Google Payments ili kubaini ikiwa unatimiza sheria na masharti ya akaunti, kufanya maamuzi kuhusu miamala yako ya baadaye kwenye Google Payments na kwa ajili ya mahitaji mengine halali ya kibiashara yanayohusiana na miamala unayotekeleza kwenye Google Payments.

Unapojisajili, maelezo yako huhifadhiwa katika Akaunti yako ya Google na usajili wa njia yako ya kulipa huhifadhiwa kwenye seva za Google. Aidha, huenda baadhi ya vipengele vya data vikahifadhiwa kwenye kifaa chako cha mkononi. Kwa lengo la kutii mchakato na kutimiza wajibu wa kisheria, huenda tukahifadhi kwa muda mrefu taarifa unazotupatia.

Taarifa tunazoshiriki

Tutashiriki tu taarifa yako binafsi na washirika wengine au watu binafsi nje ya Google katika hali zifuatazo:

Kwa mfano, unaponunua au kutekeleza muamala fulani ukitumia Google Payments, tutaruhusu taarifa fulani ya binafsi ifikiwe na kampuni au mtu binafsi unayenunua kwake au kufanya naye biashara. Hii inajumuisha kushiriki taarifa yako binafsi na msanidi programu unayenunua kwake ukitumia Google Payments kwenye Google Play. Huenda pia ikajumuisha kutuma Msimbo wa eneo ulipo au wa posta kwenye tovuti au programu ya muuzaji unapofanya muamala ukitumia kitufe cha 'Nunua ukitumia Google Pay' au kingine kama hicho, ili muuzaji aweze kukokotoa maelezo mapya ya ununuzi (kama vile gharama ya usafirishaji na maelezo mengine ya bei) na kubaini kama muuzaji anaweza kukubali njia hiyo ya malipo kutoka kwako na pia manufaa au masharti ya njia fulani za malipo kwa ununuzi wako. Ukiweka njia ya kulipa ya washirika wengine kwenye Akaunti yako ya Google Payments, tunaweza kumtumia mtoa huduma za malipo ya mshirika mwingine taarifa fulani binafsi, kama vile jina lako, picha ya wasifu, anwani ya barua pepe, anwani ya IP na ya kutuma bili, nambari ya simu, maelezo ya kifaa, mahali na maelezo ya shughuli za Akaunti ya Google ikihitajika, ili kutoa huduma husika.

Unapotembelea programu au tovuti ya muuzaji husika, muuzaji huyo anaweza kuangalia iwapo una Akaunti ya Google Payments yenye njia ya kulipa unayoweza kutumia kununua kupitia tovuti au programu ya muuzaji. Hatua hii husaidia kuchuja vipengele visivyotumika visionekane kwenye tovuti au programu.

Taarifa zozote unazotoa moja kwa moja kwa muuzaji, tovuti au programu ya wengine hazijumuishwi katika Ilani hii ya Faragha. Hatuwajibikii desturi za faragha au usalama za wauzaji au washirika wengine unaoshiriki nao taarifa yako binafsi moja kwa moja. Tunakuhimiza ukague sera za faragha za washirika wengine wowote unaochagua kushiriki nao taarifa yako binafsi moja kwa moja.

Taarifa tunazokusanya, zikiwemo taarifa tunazopata kutoka kwa wengine, hushirikiwa na washirika wetu, yaani kampuni zinazomilikiwa na kudhibitiwa na Google LLC. Washirika wetu, ambao wanaweza kuwa taasisi za kifedha na zisizo za kifedha, hutumia taarifa hizo kwa madhumuni yao ya kawaida ya kibiashara.

Tunakupa haki ya kujiondoa kwenye hali fulani ya kushiriki taarifa kati ya GPC na washirika wake. Hasa, unaweza kujiondoa katika:

Unaweza pia kujiondoa kwenye mpango wa Google LLC au washirika wake, kushiriki na muuzaji mwingine, unayetembelea tovuti au programu yake, iwe una akaunti ya Google Payments unayoweza kutumia kumlipa muuzaji huyo kupitia tovuti au programu yake.

Ukijiondoa, chaguo lako litatekelezwa hadi utakapobadilisha.

Ikiwa hungependa tushiriki taarifa binafsi kuhusu uwezo wako wa kupokea mikopo kati ya GPC na washirika wake; au ikiwa hutaki washirika wetu watumie taarifa yako binafsi tuliyokusanya na kushiriki nao kwa madhumuni ya mauzo; au ikiwa hutaki Google LLC au washirika wake kumjulisha muuzaji mwingine, ambaye unatembelea tovuti au programu yake, iwe una Akaunti ya Google Payments, tafadhali weka mapendeleo yako kwa kuingia katika akaunti yako, uende kwenye ukurasa wa mipangilio ya faragha ya Google Payments na usasishe mapendeleo yako.

Hatutashiriki taarifa yako binafsi na mtu yeyote aliye nje ya GPC au na washirika wetu isipokuwa katika hali iliyobainishwa kwenye Ilani hii ya Faragha au Sera ya Faragha ya Google. Kama ilivyoelezwa hapa juu, Google Payments ni bidhaa inayotolewa kwa wamiliki wa Akaunti za Google. Data unayotoa kwa Google LLC kwa madhumuni ya kufungua Akaunti ya Google, haiathiriwi na masharti ya kujiondoa yaliyotajwa kwenye Ilani hii ya Faragha.

Usalama wa taarifa

Kwa maelezo zaidi kuhusu desturi zetu za usalama, tafadhali soma Sera ya Faragha ya Google.

Usalama wa akaunti yako ya malipo ya Google unategemea jinsi utakavyoweka nenosiri au manenosiri ya akaunti, PIN na maelezo mengine ya siri ya Huduma hii. Ukishiriki maelezo ya akaunti yako na wengine, watapata uwezo wa kufikia akaunti na taarifa yako binafsi.

Ni wajibu wako kudhibiti ufikiaji wa kifaa chako cha mkononi na programu ya Google Payments kwenye kifaa chako, ikiwemo kutofichua nenosiri au manenosiri na/au PIN yako na kutoishiriki na yeyote. Pia, ni wajibu wako kufahamisha Google au mshirika husika ikiwa unaamini kwamba usalama wa taarifa zilizo katika programu ya Google Payments umeathiriwa.

© 2020 Google – Google Home Sheria na Masharti ya Google Ilani za Faragha za Awali