Google Payments ಗೌಪ್ಯತೆ ಸೂಚನೆ

ಕೊನೆಯದಾಗಿ ಮಾರ್ಪಡಿಸಿದ ದಿನಾಂಕ 28ನೇ ಮಾರ್ಚ್ 2022

ನೀವು Google ನ ಉತ್ಪನ್ನಗಳು ಮತ್ತು ಸೇವೆಗಳನ್ನು ಬಳಸಿದಾಗ ವೈಯಕ್ತಿಕ ಮಾಹಿತಿಯನ್ನು ನಾವು ಹೇಗೆ ನಿರ್ವಹಿಸುತ್ತೇವೆ ಎಂಬುದನ್ನು ಈ Google ಗೌಪ್ಯತಾ ನೀತಿ ವಿವರಿಸುತ್ತದೆ. ಒಂದು ವೇಳೆ ನೀವು 18 ವರ್ಷಕ್ಕಿಂತ ಕಡಿಮೆ ವಯಸ್ಸಿನ ಬಳಕೆದಾರರಾಗಿದ್ದರೆ Google ಹದಿಹರೆಯದವರ ಗೌಪ್ಯತಾ ಮಾರ್ಗದರ್ಶಿ ಯಲ್ಲಿ ನೀವು ಹೆಚ್ಚುವರಿ ಸಂಪನ್ಮೂಲಗಳನ್ನು ಕಂಡುಕೊಳ್ಳಬಹುದು. Google Payments ಅನ್ನು Google ಖಾತೆ ಹೊಂದಿರುವವರಿಗೆ ನೀಡಲಾಗುವುದು ಮತ್ತು ಅದರ ನಿಮ್ಮ ಬಳಕೆಯು Google ಗೌಪ್ಯತಾ ನೀತಿಗೆ ಒಳಪಟ್ಟಿರುತ್ತದೆ. ಹೆಚ್ಚುವರಿಯಾಗಿ, ಈ ಗೌಪ್ಯತೆ ಸೂಚನೆಯು Google Payments ಗೆ ನಿರ್ದಿಷ್ಟವಾಗಿರುವ Google ಗೌಪ್ಯತೆ ರೂಢಿಗಳನ್ನು ವಿವರಿಸುತ್ತದೆ.

Google Payments ನ ನಿಮ್ಮ ಬಳಕೆಯು Google Payments ಸೇವಾ ನಿಯಮಗಳಿಂದ ನಿಯಂತ್ರಿಸಲ್ಪಡುತ್ತದೆ, ಈ ಗೌಪ್ಯತೆ ಸೂಚನೆಯು ಒಳಗೊಳ್ಳುವ ಸೇವೆಗಳ ಬಗ್ಗೆ ಇನ್ನಷ್ಟು ವಿವರವಾಗಿ ಅದು ತಿಳಿಸುತ್ತದೆ. ಈ Google Payments ಗೌಪ್ಯತೆ ಸೂಚನೆಯಲ್ಲಿ ವ್ಯಾಖ್ಯಾನಿಸದೇ ಇರುವ ದೊಡ್ಡ ಅಕ್ಷರದ ನಿಯಮಗಳು Google Payments ಸೇವಾ ನಿಯಮಗಳಲ್ಲಿ ಅವುಗಳಿಗೆ ನಿಯೋಜಿಸಲಾದ ಅರ್ಥವನ್ನು ಹೊಂದಿರುತ್ತವೆ.

Google Payments ಗೌಪ್ಯತೆ ಸೂಚನೆಯು Google LLC ಅಥವಾ Google Payments Corp ಅನ್ನು ಒಳಗೊಂಡಂತೆ ಅದರ ಸಂಪೂರ್ಣ ಮಾಲೀಕತ್ವದ ಅಂಗಸಂಸ್ಥೆಗಳು ಒದಗಿಸುವ ಸೇವೆಗಳಿಗೆ ಅನ್ವಯಿಸುತ್ತದೆ. ('GPC'). ಯಾವ ಅಧೀನ ಸಂಸ್ಥೆಗಳು ಸೇವೆಯನ್ನು ಒದಗಿಸುತ್ತವೆ ಎಂಬುದನ್ನು ತಿಳಿದುಕೊಳ್ಳಲು ಸೇವೆಯ ಒಳಗಡೆ ನಿಮಗೆ ಲಭ್ಯವಿರುವ Google Payments ಸೇವಾ ನಿಯಮಗಳನ್ನು ಅವಲೋಕಿಸಿ. ಯುರೋಪಿಯನ್ ವಾಣಿಜ್ಯ ಪ್ರದೇಶದಲ್ಲಿ (UK ಅನ್ನು ಹೊರತುಪಡಿಸಿ) ನೆಲೆಸಿರುವ ಬಳಕೆದಾರರಿಗೆ (Google ಮಾರುಕಟ್ಟೆಸ್ಥಳದಲ್ಲಿ ಮಾರಾಟ ಮಾಡುವವರನ್ನು ಹೊರತುಪಡಿಸಿ), ನಿಮ್ಮ ಮಾಹಿತಿಗೆ ಹೊಣೆಗಾರರಾಗಿರುವ ಡೇಟಾ ನಿಯಂತ್ರಕವಾಗಿ Google Ireland Limited ಇರುತ್ತದೆ. UK ಯಲ್ಲಿ ನೆಲೆಸಿರುವ ಬಳಕೆದಾರರಿಗೆ (Google ಮಾರುಕಟ್ಟೆಸ್ಥಳದಲ್ಲಿ ಮಾರಾಟ ಮಾಡುವವರನ್ನು ಹೊರತುಪಡಿಸಿ), ನಿಮ್ಮ ಮಾಹಿತಿಗೆ ಹೊಣೆಗಾರರಾಗಿರುವ ಡೇಟಾ ನಿಯಂತ್ರಕವಾಗಿ Google LLC ಇರುತ್ತದೆ. ಒಂದು ವೇಳೆ ನೀವು UK ಅನ್ನು ಹೊರತುಪಡಿಸಿದ ಯುರೋಪಿಯನ್ ವಾಣಿಜ್ಯ ಪ್ರದೇಶದಲ್ಲಿ ನೆಲೆಸಿದ್ದರೆ ಮತ್ತು Google ಮಾರುಕಟ್ಟೆಸ್ಥಳದಲ್ಲಿ ಮಾರಾಟ ಮಾಡುತ್ತಿದ್ದರೆ, ನಿಮ್ಮ ಮಾಹಿತಿಗೆ ಹೊಣೆಗಾರರಾಗಿರುವ ಡೇಟಾ ನಿಯಂತ್ರಕವಾಗಿ Google Ireland Limited ಇರುತ್ತದೆ. ಒಂದು ವೇಳೆ ನೀವು UK ಯಲ್ಲಿ ನೆಲೆಸಿದ್ದರೆ ಹಾಗೂ Google ಮಾರುಕಟ್ಟೆಸ್ಥಳದಲ್ಲಿ ಮಾರಾಟ ಮಾಡುತ್ತಿದ್ದರೆ, ನಿಮ್ಮ ಮಾಹಿತಿಗೆ ಹೊಣೆಗಾರರಾಗಿರುವ ಡೇಟಾ ನಿಯಂತ್ರಕವಾಗಿ Google Payment Limited ಇರುತ್ತದೆ. ಬ್ರೆಜಿಲ್‌ನಲ್ಲಿ ನೆಲೆಸಿರುವ ಬಳಕೆದಾರರಿಗೆ, ನಿಮ್ಮ ಮಾಹಿತಿಗೆ ಹೊಣೆಗಾರರಾಗಿರುವ ಡೇಟಾ ನಿಯಂತ್ರಕವಾಗಿ Google LLC ಇರುತ್ತದೆ ಮತ್ತು ಬ್ರೆಜಿಲ್ ಕಾನೂನಿನ ಅಡಿಯಲ್ಲಿ ಅವಶ್ಯಕತೆ ಇರುವವರೆಗೂ, ಅದು Google Brasil Pagamentos Ltda ಆಗಿರಬಹುದು.

ನಾವು ಸಂಗ್ರಹಿಸುವ ಮಾಹಿತಿ

ನಾವು Google ಗೌಪ್ಯತಾ ನೀತಿಯಲ್ಲಿ ಪಟ್ಟಿ ಮಾಡಲಾದ ಮಾಹಿತಿಗೆ ಹೆಚ್ಚುವರಿಯಾಗಿ, ಈ ಮುಂದಿನವುಗಳನ್ನು ಸಹ ಸಂಗ್ರಹಿಸಬಹುದು:

ನೋಂದಣಿ ಮಾಹಿತಿ – ನೀವು Google Payments ಗೆ ಸೈನ್‌ ಅಪ್ ಮಾಡಿದಾಗ, ನಿಮ್ಮ Google ಖಾತೆಗೆ ಸಂಬಂಧಿಸಿದ Google Payments ಖಾತೆಯನ್ನು ರಚಿಸುತ್ತಿರುವಿರಿ ಎಂದಾಗುತ್ತದೆ. ನೀವು ಬಳಸುವ Google Payments ಸೇವೆಗಳನ್ನು ಅವಲಂಬಿಸಿ, Google ಗೌಪ್ಯತಾ ನೀತಿಯಲ್ಲಿ ಪಟ್ಟಿ ಮಾಡಲಾದ ಮಾಹಿತಿಗೆ ಹೆಚ್ಚುವರಿಯಾಗಿ, ಈ ಕೆಳಗಿನ ಮಾಹಿತಿಯನ್ನು ಒದಗಿಸಲು ನಿಮ್ಮನ್ನು ಕೇಳಬಹುದು: ಕ್ರೆಡಿಟ್ ಅಥವಾ ಡೆಬಿಟ್ ಕಾರ್ಡ್ ಸಂಖ್ಯೆ ಮತ್ತು ಕಾರ್ಡ್ ಅವಧಿ ಮುಕ್ತಾಯದ ದಿನಾಂಕ, ಬ್ಯಾಂಕ್ ಖಾತೆ ಸಂಖ್ಯೆ ಹಾಗೂ ಅವಧಿ ಮುಕ್ತಾಯದ ದಿನಾಂಕ, ವಿಳಾಸ, ಫೋನ್ ಸಂಖ್ಯೆ, ಜನ್ಮ ದಿನಾಂಕ, ರಾಷ್ಟ್ರೀಯ ವಿಮಾ ಸಂಖ್ಯೆ ಅಥವಾ ತೆರಿಗೆ ಪಾವತಿದಾರರ ಗುರುತಿನ ಸಂಖ್ಯೆ (ಅಥವಾ ಇನ್ನಿತರ ಸರ್ಕಾರ ನೀಡಿರುವ ಗುರುತಿನ ಸಂಖ್ಯೆ), ಮತ್ತು ಮಾರಾಟಗಾರರಿಗೆ ಅಥವಾ ವ್ಯಾಪಾರಗಳಿಗೆ, ನಿರ್ದಿಷ್ಟವಾಗಿ, ನಿಮ್ಮ ವ್ಯಾಪಾರದ ವರ್ಗ ಮತ್ತು ನಿಮ್ಮ ಮಾರಾಟ ಅಥವಾ ವಹಿವಾಟು ಪ್ರಮಾಣದ ಕುರಿತ ಮಾಹಿತಿ. ಕೆಲವು ಸಂದರ್ಭಗಳಲ್ಲಿ, ನಿಮ್ಮ ಮಾಹಿತಿಯನ್ನು ಪರಿಶೀಲಿಸಲು ಸಹಾಯವಾಗುವಂತೆ ನಮಗೆ ಹೆಚ್ಚುವರಿ ಮಾಹಿತಿಯನ್ನು ಕಳುಹಿಸಲು ಅಥವಾ ಹೆಚ್ಚುವರಿ ಪ್ರಶ್ನೆಗಳಿಗೆ ಉತ್ತರಿಸುವಂತೆ ನಾವು ನಿಮಗೆ ಕೇಳಬಹುದು. ಅಂತಿಮವಾಗಿ, ಒಂದು ವೇಳೆ ನೀವು ಕ್ಯಾರಿಯರ್ ಅಥವಾ ಆಪರೇಟರ್ ಬಿಲ್ಲಿಂಗ್ ಖಾತೆಯನ್ನು ನೋಂದಾಯಿಸಿದರೆ, ನಿಮ್ಮ ಕ್ಯಾರಿಯರ್ ಅಥವಾ ಆಪರೇಟರ್ ಖಾತೆಯ ಬಗ್ಗೆ ಕೆಲವು ಮಾಹಿತಿ ಒದಗಿಸುವಂತೆ ನಾವು ನಿಮಗೆ ಕೇಳುತ್ತೇವೆ.
ಥರ್ಡ್ ಪಾರ್ಟಿಗಳಿಂದ ಪಡೆಯಲಾದ ಮಾಹಿತಿ – ಥರ್ಡ್ ಪಾರ್ಟಿ ದೃಢೀಕರಣ ಸೇವೆಗಳನ್ನೂ ಒಳಗೊಂಡಂತೆ, ಥರ್ಡ್ ಪಾರ್ಟಿಗಳಿಂದ ನಾವು ನಿಮ್ಮ ಕುರಿತು ಮಾಹಿತಿಯನ್ನು ಪಡೆದುಕೊಳ್ಳಬಹುದು. ವ್ಯಾಪಾರಿ ಸ್ಥಳಗಳಲ್ಲಿನ Google Payments ವಹಿವಾಟುಗಳಿಂದ ಉದ್ಭವಿಸುವ ಪಾವತಿ ವಿಧಾನಗಳ ನಿಮ್ಮ ಬಳಕೆಗೆ ಸಂಬಂಧಿಸಿದ ಮಾಹಿತಿ ಮತ್ತು ಥರ್ಡ್ ಪಾರ್ಟಿಗಳು ನೀಡಿರುವ Google Payments ಗೆ ಲಿಂಕ್ ಆಗಿರುವ ನಿಮ್ಮ ಖಾತೆಗಳು, ನಿಮ್ಮ ಕಾರ್ಡ್ ವಿತರಕರು ಅಥವಾ ಹಣಕಾಸು ಸಂಸ್ಥೆಯ ಗುರುತು, ನಿಮ್ಮ Google Payments ಖಾತೆಯಲ್ಲಿ ಇರುವ ಬ್ಯಾಲೆನ್ಸ್‌ಗಳಿಗೆ ಪ್ರವೇಶಪಡೆಯುವಿಕೆಯ ಬಗೆಗಿನ ಮಾಹಿತಿ, ಕ್ಯಾರಿಯರ್ ಅಥವಾ ಆಪರೇಟರ್ ಬಿಲ್ಲಿಂಗ್‌ಗೆ ಸಂಬಂಧಿಸಿದಂತೆ ಕ್ಯಾರಿಯರ್ ಅಥವಾ ಆಪರೇಟರ್‌ರಿಂದ ಪಡೆದ ಮಾಹಿತಿ ಹಾಗೂ US Fair Credit Reporting Act' ನಲ್ಲಿ ವ್ಯಾಖ್ಯಾನಿಸಲಾದ 'ಗ್ರಾಹಕ ವರದಿಗಳು' ಪರಿಭಾಷೆಯಂತೆ ಗ್ರಾಹಕ ವರದಿಗಳನ್ನು ಒಳಗೊಂಡಿರುತ್ತದೆ. ಅಲ್ಲದೆ, ಮಾರಾಟಗಾರರಿಗೆ, ನಿಮ್ಮ ಮತ್ತು ನಿಮ್ಮ ವ್ಯಾಪಾರದ ಕುರಿತು ಕ್ರೆಡಿಟ್ ಬ್ಯೂರೊ ಅಥವಾ ವ್ಯಾಪಾರ ಮಾಹಿತಿ ಸೇವೆಯಿಂದ ನಾವು ಮಾಹಿತಿಯನ್ನು ಪಡೆದುಕೊಳ್ಳಬಹುದು.
ವಹಿವಾಟು ಮಾಹಿತಿ – ವಹಿವಾಟೊಂದನ್ನು ನಡೆಸಲು ನೀವು Google Payments ಅನ್ನು ಬಳಸಿದಾಗ, ದಿನಾಂಕ, ಸಮಯ ಮತ್ತು ವಹಿವಾಟು ಮೊತ್ತ, ವ್ಯಾಪಾರಿಯ ಸ್ಥಳ ಹಾಗೂ ವಿವರಣೆ, ಖರೀದಿಸಿದ ಸರಕು ಅಥವಾ ಸೇವೆಗಳ ಮಾರಾಟಗಾರ ಒದಗಿಸಿದ ವಿವರಣೆ, ವಹಿವಾಟಿನ ಜೊತೆಗೆ ಇರಲಿ ಎಂದು ನೀವು ಆಯ್ಕೆ ಮಾಡಿದ ಯಾವುದಾದರೂ ಫೋಟೊ, ಮಾರಾಟಗಾರ ಮತ್ತು ಖರೀದಿಸಿದವರ ಹೆಸರುಗಳು ಹಾಗೂ ಇಮೇಲ್ ವಿಳಾಸಗಳು (ಅಥವಾ ಕಳುಹಿಸುವವರು ಮತ್ತು ಸ್ವೀಕರಿಸುವವರು), ಬಳಸಿದ ಪಾವತಿ ವಿಧಾನದ ಪ್ರಕಾರ, ವಹಿವಾಟಿನ ಕಾರಣಕ್ಕೆ ನಿಮ್ಮ ವಿವರಣೆ ಹಾಗೂ ವಹಿವಾಟಿನ ಜೊತೆ ಸಂಯೋಜಿತವಾಗಿರುವ ಆಫರ್, ಯಾವುದಾದರೂ ಇದ್ದರೆ, ಇವುಗಳನ್ನು ಒಳಗೊಂಡಂತೆ ವಹಿವಾಟಿನ ಕುರಿತು ನಾವು ಮಾಹಿತಿಯನ್ನು ಸಂಗ್ರಹಿಸಬಹುದು.

ನಾವು ಸಂಗ್ರಹಿಸುವ ಮಾಹಿತಿಯನ್ನು ನಾವು ಹೇಗೆ ಬಳಸುತ್ತೇವೆ

ಇಲ್ಲಿನGoogle ಗೌಪ್ಯತಾ ನೀತಿಯಲ್ಲಿ ಪಟ್ಟಿ ಮಾಡಲಾದ ಪ್ರಯೋಜನಗಳಿಗೆ ಹೆಚ್ಚುವರಿಯಾಗಿ, ನಿಮಗೆ ಗ್ರಾಹಕ ಸೇವೆ ಉದ್ದೇಶಗಳಿಗಾಗಿ Google Payments ಅನ್ನು ಒದಗಿಸುವ ಹಾಗೂ Google, ನಮ್ಮ ಬಳಕೆದಾರರು ಅಥವಾ ಸಾರ್ವಜನಿಕರ ಹಕ್ಕುಗಳು, ಆಸ್ತಿ ಮತ್ತು ಸುರಕ್ಷತೆಗೆ ಹಾನಿ ಆಗುವುದನ್ನು ತಡೆಯಲು ಅಥವಾ ವಂಚನೆ, ಫಿಶಿಂಗ್ ಅಥವಾ ದುರ್ನಡತೆಯನ್ನು ತಡೆಯಲು ಸಹಾಯವಾಗಲು, ನೀವು ನಮಗೆ ಮತ್ತು GPC ಗೆ ಅಥವಾ ಇತರ ನಮ್ಮ ಅಧೀನ ಸಂಸ್ಥೆಗಳಿಗೆ ನೀವು ಒದಗಿಸುವ ಮಾಹಿತಿಯನ್ನು, ಜೊತೆಗೆ ಥರ್ಡ್ ಪಾರ್ಟಿಗಳಿಂದ ಪಡೆದ ನಿಮ್ಮ ಬಗೆಗಿನ ಮಾಹಿತಿಯನ್ನು ನಾವು ಬಳಸುತ್ತೇವೆ. ಅಂತಹ ಮಾಹಿತಿಯನ್ನು, ಥರ್ಡ್ ಪಾರ್ಟಿಗಳಿಂದ ನೀವು ವಿನಂತಿಸಿದ ಉತ್ಪನ್ನಗಳು ಅಥವಾ ಸೇವೆಗಳ ಹಂಚಿಕೆಗಾಗಿ ಥರ್ಡ್ ಪಾರ್ಟಿಗಳಿಗೆ ಸಹಾಯ ಮಾಡಲು ಸಹ ಬಳಸಬಹುದು. ನೀವು ಖಾತೆಯ ನಿಯಮಗಳನ್ನು ಪೂರೈಸುವುದನ್ನು ಮುಂದುವರಿಸುವಿರೇ ಎಂಬುದನ್ನು ನಿರ್ಧರಿಸಲು, ನಿಮ್ಮ ಭವಿಷ್ಯದ Google Payments ವಹಿವಾಟುಗಳು ಮತ್ತು ನೀವು ಆರಂಭಿಸಿದ Google Payments ವಹಿವಾಟುಗಳಿಗೆ ಸಂಬಂಧಿಸಿದ ಇತರ ನ್ಯಾಯಸಮ್ಮತ ವ್ಯಾಪಾರದ ಅಗತ್ಯಗಳ ಕುರಿತು ನಿರ್ಧಾರಗಳನ್ನು ಮಾಡಲು, ನಿಮ್ಮ Google Payments ಖಾತೆಯನ್ನು ಪರಿಶೀಲಿಸಲು ಸಹ ನಾವು ಮಾಹಿತಿಯನ್ನು ಬಳಸುತ್ತೇವೆ.

ನಿಮ್ಮ ನೋಂದಣಿ ಮಾಹಿತಿಯನ್ನು ನಿಮ್ಮ Google ಖಾತೆಯ ಸಹಯೋಗದೊಂದಿಗೆ ಸಂಗ್ರಹಿಸಲಾಗುವುದು ಮತ್ತು ಪಾವತಿ ವಿಧಾನದ ನಿಮ್ಮ ನೋಂದಣಿಯನ್ನು Googleನ ನ ಸರ್ವರ್‌ಗಳಲ್ಲಿ ಸಂಗ್ರಹಿಸಲಾಗುವುದು. ಹೆಚ್ಚುವರಿಯಾಗಿ, ಕೆಲವು ಡೇಟಾ ಅಂಶಗಳು ನಿಮ್ಮ ಮೊಬೈಲ್ ಸಾಧನದಲ್ಲಿಯೂ ಸಹ ಸಂಗ್ರಹವಾಗಬಹುದು. ಕಾನೂನು ಪ್ರಕ್ರಿಯೆ ಮತ್ತು ನಿಯಂತ್ರಕ ಹೊಣೆಗಾರಿಕೆಯ ಅನುಸರಣೆಯ ಉದ್ದೇಶಕ್ಕಾಗಿ, ನೀವು ಒದಗಿಸುವ ಮಾಹಿತಿಯನ್ನು ನಾವು ವಿಸ್ತರಿಸಿದ ಸಮಯಾವಧಿಗೆ ಇರಿಸಿಕೊಳ್ಳಬಹುದು.

ನಾವು ಹಂಚಿಕೊಳ್ಳುವ ಮಾಹಿತಿ

ಕೆಳಗಿನ ಸಂದರ್ಭಗಳಲ್ಲಿ ಮಾತ್ರ ನಿಮ್ಮ ವೈಯಕ್ತಿಕ ಮಾಹಿತಿಯನ್ನು ನಾವು Google ಹೊರಗಿನ ಇತರ ಕಂಪನಿಗಳು ಅಥವಾ ವ್ಯಕ್ತಿಗಳೊಂದಿಗೆ ಹಂಚಿಕೊಳ್ಳುತ್ತೇವೆ:

Google ಗೌಪ್ಯತಾ ನೀತಿಅಡಿಯಲ್ಲಿ ಅನುಮತಿಸಿರುವಂತೆ.
ನಿಮ್ಮ ವಹಿವಾಟನ್ನು ಪ್ರಕ್ರಿಯೆಗೊಳಿಸಲು ಮತ್ತು ಸುರಕ್ಷತಾ ಸುಧಾರಣೆಗಳನ್ನು ಒದಗಿಸುವುದು ಹಾಗೂ ವಂಚನೆಯ ವಿರುದ್ಧ ನಿಮ್ಮ ಖಾತೆಯನ್ನು ರಕ್ಷಿಸುವುದನ್ನು ಒಳಗೊಂಡು ನಿಮ್ಮ ಖಾತೆಯನ್ನು ನಿರ್ವಹಿಸಲು ಅವಶ್ಯಕವಾಗಿದೆ.
ಥರ್ಡ್ ಪಾರ್ಟಿ ಒದಗಿಸಿರುವ ಸೇವೆಗೆ ನಿಮ್ಮ ನೋಂದಣಿಯನ್ನು ಪೂರ್ಣಗೊಳಿಸಲು.
ನೀವು ಭೇಟಿ ನೀಡುವ ಸೈಟ್ ಅಥವಾ ಆ್ಯಪ್‌ನ ಥರ್ಡ್ ಪಾರ್ಟಿ ವ್ಯಾಪಾರಿಗೆ ಮಾಹಿತಿ ನೀಡಲು, ನೀವು Google Payments ಖಾತೆಯನ್ನು ಹೊಂದಿದ್ದು ಆ ವ್ಯಾಪಾರಿಯ ಸೈಟ್ ಅಥವಾ ಆ್ಯಪ್ ಮೂಲಕ ಪಾವತಿಸಲು ನೀವು ಅದನ್ನು ಬಳಸಿರಬಹುದು.
ನಿಮ್ಮ ಕಾರ್ಡ್ ಅಥವಾ ಇತರ ಪಾವತಿ ವಿಧಾನದ ವಿತರಕರು ಹಾಗೂ ಪಾವತಿ ನೆಟ್‌ವರ್ಕ್, ಜೊತೆಗೆ ಪಾವತಿ ವಿಧಾನ ಮತ್ತು ಅದನ್ನು ಬಳಸಿಕೊಂಡು ವಿನಂತಿಸಲಾದ ವಹಿವಾಟುಗಳ ಸುರಕ್ಷತೆ ಮತ್ತು ಮಾನ್ಯತೆಯನ್ನು ಖಚಿತಪಡಿಸಿಕೊಳ್ಳಲು, ಅವರ ಪರವಾಗಿ ಕೆಲಸ ಮಾಡುತ್ತಿರುವ ಪಾವತಿ ಪ್ರೊಸೆಸರ್‌ಗಳು ಹಾಗೂ ಇತರ ಸಂಸ್ಥೆಗಳು.

ಉದಾಹರಣೆಗೆ, Google Payments ಬಳಸಿಕೊಂಡು ನೀವು ಖರೀದಿ ಅಥವಾ ವಹಿವಾಟು ಮಾಡಿದಾಗ, ನೀವು ಖರೀದಿಸಿದ ಅಥವಾ ವಹಿವಾಟು ಮಾಡಿದ ಕಂಪನಿ ಅಥವಾ ವ್ಯಕ್ತಿಗೆ ನಿಮ್ಮ ಕುರಿತು ಕೆಲವು ವೈಯಕ್ತಿಕ ಮಾಹಿತಿ ಲಭ್ಯವಾಗುವಂತೆ ನಾವು ಮಾಡುತ್ತೇವೆ. Google Payments ಬಳಸಿಕೊಂಡು Google Play ನಲ್ಲಿ ಖರೀದಿ ಮಾಡುವಾಗ ನೀವು ಯಾರಿಂದ ಖರೀದಿಸಿರುತ್ತೀರೋ ಆ ಡೆವಲಪರ್‌ನೊಂದಿಗೆ ನಿಮ್ಮ ವೈಯಕ್ತಿಕ ಮಾಹಿತಿಯನ್ನು ಹಂಚಿಕೊಳ್ಳುವುದನ್ನು ಇದು ಒಳಗೊಂಡಿದೆ. ವ್ಯಾಪಾರಿ ವೆಬ್‌ಸೈಟ್‌ಗೆ ಅಥವಾ ಆ್ಯಪ್‌ಗೆ ನಿಮ್ಮ ಪಿನ್ ಕೋಡ್ ಅಥವಾ ಪೋಸ್ಟ್‌ಕೋಡ್ ಹಾಗೂ ನೀವು 'Google Pay ಯೊಂದಿಗೆ ಖರೀದಿಸಿ' ಅಥವಾ ಅಂತಹುದೇ ಬಟನ್ ಬಳಸಿ ಪಾವತಿಯನ್ನು ಆರಂಭಿಸಿದಾಗ ನಿಮ್ಮ ಪಾವತಿ ವಿಧಾನದ ಕುರಿತು ಮಾಹಿತಿ ಕಳುಹಿಸುವುದನ್ನು ಸಹ ಇದು ಒಳಗೊಂಡಿರಬಹುದು, ಇದರಿಂದಾಗಿ ವ್ಯಾಪಾರಿಯು ಅಪ್‌ಡೇಟ್ ಮಾಡಿರುವ ಖರೀದಿ ಮಾಹಿತಿಯನ್ನು ಲೆಕ್ಕ ಹಾಕಬಹುದು (ತೆರಿಗೆ, ವಿತರಣೆ ವೆಚ್ಚಗಳು ಮತ್ತು ಇತರ ದರ ಮಾಹಿತಿಯಂತಹವು) ಮತ್ತು ವ್ಯಾಪಾರಿಯು ನಿಮ್ಮಂದ ಪಾವತಿ ವಿಧಾನವನ್ನು ಸ್ವೀಕರಿಸುವರೇ ಎಂಬುದರ ಜೊತೆಗೆ ನಿಮ್ಮ ಖರೀದಿಯ ನಿರ್ದಿಷ್ಟ ಪಾವತಿ ವಿಧಾನಗಳಿಗೆ ಇರುವ ಪ್ರಯೋಜನಗಳು ಅಥವಾ ನಿರ್ಬಂಧಗಳನ್ನು ಗುರುತಿಸಬಹುದು. ನಿಮ್ಮ Google Payments Account ಗೆ ನೀವು ಥರ್ಡ್ ಪಾರ್ಟಿ ಪಾವತಿ ವಿಧಾನವನ್ನು ಸೇರಿಸಿದಾಗ, ಸೇವೆಯನ್ನು ಒದಗಿಸಲು ಅವಶ್ಯವಿರುವುದರಿಂದಾಗಿ, ನಿಮ್ಮ ಹೆಸರು, ಪ್ರೊಫೈಲ್ ಚಿತ್ರ, ಇಮೇಲ್, IP ಮತ್ತು ಬಿಲ್ಲಿಂಗ್ ವಿಳಾಸ, ಫೋನ್ ಸಂಖ್ಯೆ, ಸಾಧನದ ಮಾಹಿತಿ, ಸ್ಥಳ ಮತ್ತು Google ಖಾತೆ ಚಟುವಟಿಕೆಯಂತಹ ನಿಮ್ಮ ಬಗೆಗಿನ ಕೆಲವು ವೈಯಕ್ತಿಕ ಮಾಹಿತಿಯನ್ನು ನಾವು ಥರ್ಡ್ ಪಾರ್ಟಿ ಪಾವತಿ ನೀಡುವವರೊಂದಿಗೆ ವಿನಿಮಯ ಮಾಡಿಕೊಳ್ಳಬಹುದು.

ಭಾಗವಹಿಸಿರುವ ವ್ಯಾಪಾರಿ ಸೈಟ್ ಅಥವಾ ಆ್ಯಪ್‌ಗೆ ನೀವು ಭೇಟಿ ನೀಡಿದಾಗ, ನೀವು ಅರ್ಹ ಪಾವತಿ ವಿಧಾನವನ್ನು ಹೊಂದಿರುವ Google Payments ಖಾತೆಯನ್ನು ಹೊಂದಿರುವಿರಾ ಎಂಬುದನ್ನು ವ್ಯಾಪಾರಿಯು ಪರಿಶೀಲಿಸುತ್ತಾರೆ, ಸೈಟ್‌ಗಳು ಅಥವಾ ಆ್ಯಪ್‌ಗಳಲ್ಲಿ ನಿರುಪಯುಕ್ತ ವೈಶಿಷ್ಟ್ಯಗಳನ್ನು ನೋಡುವ ಸಾಧ್ಯತೆಗಳನ್ನು ಕಡಿಮೆ ಮಾಡುವ ಸಲುವಾಗಿ, ವ್ಯಾಪಾರಿ ಸೈಟ್ ಅಥವಾ ಆ್ಯಪ್ ಮೂಲಕ ಖರೀದಿಸಲು ಆ ಖಾತೆಯನ್ನು ಬಳಸಬಹುದು.

ಥರ್ಡ್ ಪಾರ್ಟಿ ವ್ಯಾಪಾರಿ, ವೆಬ್‌ಸೈಟ್ ಅಥವಾ ಅಪ್ಲಿಕೇಶನ್‌ಗೆ ನೀವು ನೀಡುವ ಯಾವುದೇ ಮಾಹಿತಿಯನ್ನು ಈ ಗೌಪ್ಯತೆ ಸೂಚನೆಯು ಒಳಗೊಳ್ಳುವುದಿಲ್ಲ. ನಿಮ್ಮ ವೈಯಕ್ತಿಕ ಮಾಹಿತಿಯನ್ನು ನೇರವಾಗಿ ಹಂಚಿಕೊಳ್ಳಲು ನೀವು ಆಯ್ಕೆ ಮಾಡುವ ವ್ಯಾಪಾರಿಗಳು ಅಥವಾ ಇತರ ಥರ್ಡ್ ಪಾರ್ಟಿಗಳ ಗೌಪ್ಯತೆ ಅಥವಾ ಸುರಕ್ಷತಾ ವಿಧಾನಗಳಿಗೆ ನಾವು ಜವಾಬ್ದಾರರಾಗಿರುವುದಿಲ್ಲ. ನಿಮ್ಮ ವೈಯಕ್ತಿಕ ಮಾಹಿತಿಯನ್ನು ನೇರವಾಗಿ ಹಂಚಿಕೊಳ್ಳಲು ನೀವು ಆಯ್ಕೆ ಮಾಡುವ ಯಾವುದೇ ಥರ್ಡ್ ಪಾರ್ಟಿಯ ಗೌಪ್ಯತೆ ನೀತಿಗಳನ್ನು ಪರಿಶೀಲಿಸಲು ನಾವು ನಿಮಗೆ ಉತ್ತೇಜಿಸುತ್ತೇವೆ.

ಥರ್ಡ್ ಪಾರ್ಟಿಗಳಿಂದ ಪಡೆದುಕೊಳ್ಳುವ ಮಾಹಿತಿಯನ್ನೂ ಒಳಗೊಂಡಂತೆ ನಾವು ಸಂಗ್ರಹಿಸುವ ಮಾಹಿತಿಯನ್ನು ನಮ್ಮ ಅಫಿಲಿಯೇಟ್‌ಗಳೊಂದಿಗೆ ಹಂಚಿಕೊಳ್ಳುತ್ತೇವೆ, ಅಂದರೆ Google LLC ಮಾಲೀಕತ್ವದ ಹಾಗೂ ನಿಯಂತ್ರಣದಲ್ಲಿರುವ ಇತರ ಕಂಪನಿಗಳು ಎಂದು ಅರ್ಥ. ನಮ್ಮ ಅಫಿಲಿಯೇಟ್‌ಗಳು, ಅವು ಹಣಕಾಸು ಅಥವಾ ಹಣಕಾಸಿಗೆ ಸಂಬಂಧಿಸಿರದ ಘಟಕಗಳಾಗಿರಬಹುದು, ಅವು ತಮ್ಮ ಪ್ರತಿದಿನದ ವ್ಯಾಪಾರದ ಉದ್ದೇಶಗಳಿಗಾಗಿ ಅಂತಹ ಮಾಹಿತಿಯನ್ನು ಬಳಸುತ್ತವೆ.

GPC ಮತ್ತು ಅದರ ಅಫಿಲಿಯೇಟ್‌ಗಳ ನಡುವಿನ ಕೆಲವು ಹಂಚಿಕೆಗಳಿಂದ ಹೊರಗುಳಿಯುವ ಹಕ್ಕನ್ನು ನಿಮಗೆ ನಾವು ನೀಡುತ್ತೇವೆ. ನಿರ್ದಿಷ್ಟವಾಗಿ, ಇದರಿಂದ ಹೊರಗುಳಿಯುವುದನ್ನು ನೀವು ಆಯ್ಕೆ ಮಾಡಬಹುದು:

GPC ಮತ್ತು ಅದರ ಅಫಿಲಿಯೇಟ್‌ಗಳ ನಡುವೆ ನಿಮ್ಮ ಸಾಲ ಯೋಗ್ಯತೆ ಕುರಿತ ಮಾಹಿತಿಯನ್ನು ಅವರ ಪ್ರತಿದಿನದ ವ್ಯಾಪಾರದ ಉದ್ದೇಶಗಳಿಗೆ ಹಂಚಿಕೊಳ್ಳಲಾಗುವುದು; ಮತ್ತು/ಅಥವಾ,
ನಾವು ಸಂಗ್ರಹಿಸುವ ಮತ್ತು ನಮ್ಮ ಅಫಿಲಿಯೇಟ್‌ಗಳೊಂದಿಗೆ ಹಂಚಿಕೊಳ್ಳುವ ನಿಮ್ಮ ವೈಯಕ್ತಿಕ ಮಾಹಿತಿಯನ್ನು ಆಧರಿಸಿ, ನಮ್ಮ ಅಫಿಲಿಯೇಟ್‌ಗಳು ಅವರ ಉತ್ಪನ್ನಗಳು ಅಥವಾ ಸೇವೆಗಳನ್ನು ನಿಮಗೆ ಮಾರಾಟ ಮಾಡುತ್ತಾರೆ. ನಮ್ಮೊಂದಿಗೆ ಇರುವ ನಿಮ್ಮ ಖಾತೆಯ ಇತಿಹಾಸವನ್ನು ಈ ಮಾಹಿತಿಯು ಒಳಗೊಂಡಿದೆ.

ನೀವು ಭೇಟಿ ನೀಡುವ ಸೈಟ್ ಅಥವಾ ಆ್ಯಪ್‌ನ ಥರ್ಡ್ ಪಾರ್ಟಿ ವ್ಯಾಪಾರಿಗೆ, ನೀವು Google Payments Account ಹೊಂದಿದ್ದು ಆ ವ್ಯಾಪಾರಿಯ ಸೈಟ್ ಅಥವಾ ಆ್ಯಪ್ ಮೂಲಕ ಪಾವತಿಸಲು ನೀವು ಅದನ್ನು ಬಳಸಿರಬಹುದು, ಆ ವ್ಯಾಪಾರಿಗೆ ಮಾಹಿತಿ ನೀಡುವ Google LLC ಅಥವಾ ಅದರ ಅಫಿಲಿಯೇಟ್‌ಗಳಿಂದ ಹೊರಗುಳಿಯುವ ಆಯ್ಕೆಯನ್ನು ಸಹ ನೀವು ಆರಿಸಿಕೊಳ್ಳಬಹುದು.

ಒಂದು ವೇಳೆ ಹೊರಗುಳಿಯುವುದನ್ನು ನೀವು ಆಯ್ಕೆ ಮಾಡಿದರೆ, ನಿಮ್ಮ ಆಯ್ಕೆಯನ್ನು ಬದಲಾಯಿಸಲು ನೀವು ನಮಗೆ ಹೇಳುವವರೆಗೂ ನಿಮ್ಮ ಆಯ್ಕೆಯು ಜಾರಿಯಲ್ಲಿರುತ್ತದೆ.

GPC ಮತ್ತ ಅದರ ಅಫಿಲಿಯೇಟ್‌ಗಳ ನಡುವೆ ನಿಮ್ಮ ಸಾಲ ಯೋಗ್ಯತೆ ಕುರಿತು ವೈಯಕ್ತಿಕ ಮಾಹಿತಿಯನ್ನು ನಾವು ಹಂಚಿಕೊಳ್ಳುವುದು ಬೇಡ ಎಂದು ನೀವು ಬಯಸಿದರೆ ಅಥವಾ ನಾವು ಸಂಗ್ರಹಿಸಿರುವ ಮತ್ತು ನಿಮಗೆ ವ್ಯಾಪಾರ ಮಾಡಲು ನಮ್ಮ ಅಫಿಲಿಯೇಟ್‌ಗಳೊಂದಿಗೆ ಹಂಚಿಕೊಂಡಿರುವ ನಿಮ್ಮ ವೈಯಕ್ತಿಕ ಮಾಹಿತಿಯನ್ನು ನಮ್ಮ ಅಫಿಲಿಯೇಟ್‌ಗಳು ಬಳಸುವುದು ಬೇಡ ಎಂದು ನೀವು ಬಯಸಿದರೆ ಅಥವಾ ನೀವು ಭೇಟಿ ನೀಡುವ ಸೈಟ್ ಅಥವಾ ಆ್ಯಪ್ ಹೊಂದಿರುವ ಥರ್ಡ್ ಪಾರ್ಟಿ ವ್ಯಾಪಾರಿಗೆ Google LLC ಅಥವಾ ಅದರ ಅಫಿಲಿಯೇಟ್‌ಗಳು ಮಾಹಿತಿ ನೀಡುವುದು ಬೇಡ ಎಂದು ನೀವು ಬಯಸಿದರೆ, ನೀವು Google Payments ಖಾತೆಯನ್ನು ಹೊಂದಿದ್ದರೆ, ನಿಮ್ಮ ಖಾತೆಗೆ ಲಾಗ್‌ ಇನ್ ಆಗಿ Google Payments ಗೌಪ್ಯತೆ ಸೆಟ್ಟಿಂಗ್‌ಗಳ ಪುಟಕ್ಕೆ ಹೋಗುವ ಮೂಲಕ ಮತ್ತು ನಿಮ್ಮ ಆದ್ಯತೆಗಳನ್ನು ಅಪ್‌ಡೇಟ್ ಮಾಡುವ ಮೂಲಕ ಆದ್ಯತೆಯನ್ನು ಸೂಚಿಸಿ.

ಗೌಪ್ಯತೆ ಸೂಚನೆ ಅಥವಾ Google ಗೌಪ್ಯತಾ ನೀತಿಯಲ್ಲಿ ವಿವರಿಸಿರುವುದನ್ನು ಹೊರತುಪಡಿಸಿ, ನಿಮ್ಮ ವೈಯಕ್ತಿಕ ಮಾಹಿತಿಯನ್ನು GPC ಯ ಹೊರಗಿನವರು ಯಾರಿಗೇ ಆಗಲಿ ಅಥವಾ ನಮ್ಮ ಅಫಿಲಿಯೇಟ್‌ಗಳೊಂದಿಗೆ ಆಗಲಿ ನಾವು ಹಂಚಿಕೊಳ್ಳುವುದಿಲ್ಲ. ಮೇಲೆ ವಿವರಿಸಿದಂತೆ, Google Payments ಎಂಬುದು Google ಖಾತೆ ಹೊಂದಿರುವವರಿಗೆ ನೀಡುವ ಒಂದು ಉತ್ಪನ್ನವಾಗಿದೆ. Google ಖಾತೆಗೆ ಸೈನ್‌ ಅಪ್‌ ಮಾಡುವ ಉದ್ದೇಶಕ್ಕೆ ನೀವು Google LLC ಗೆ ನೀಡುವ ಡೇಟಾದ ಮೇಲೆ ಈ ಗೌಪ್ಯತೆ ಸೂಚನೆಯಲ್ಲಿರುವ ಹೊರಗುಳಿಯುವ ಅವಕಾಶಗಳು ಪರಿಣಾಮ ಬೀರುವುದಿಲ್ಲ.

ಮಾಹಿತಿಯ ಸುರಕ್ಷತೆ

ನಮ್ಮ ಸುರಕ್ಷತಾ ವಿಧಾನಗಳ ಕುರಿತ ಹೆಚ್ಚಿನ ಮಾಹಿತಿಗಾಗಿ, ಮುಖ್ಯ Google ಗೌಪ್ಯತಾ ನೀತಿ.ಯನ್ನು ನೋಡಿ

ನಿಮ್ಮ Google Payments ಖಾತೆಯ ಸುರಕ್ಷತೆಯು ನೀವು ಈ ಸೇವೆಗಾಗಿ ನಿಮ್ಮ ಖಾತೆಯ ಪಾಸ್‌ವರ್ಡ್(ಗಳು), ಪಿನ್‌ಗಳು ಮತ್ತು ಇತರ ಪ್ರವೇಶಪಡೆಯುವಿಕೆಯ ಮಾಹಿತಿಯನ್ನು ಎಷ್ಟು ಗೌಪ್ಯವಾಗಿ ಇರಿಸುತ್ತೀರಿ ಎಂಬುದನ್ನು ಅವಲಂಬಿಸಿದೆ. ಒಂದು ವೇಳೆ ನಿಮ್ಮ ಖಾತೆಯ ಮಾಹಿತಿಯನ್ನು ನೀವು ಥರ್ಡ್ ಪಾರ್ಟಿಯೊಂದಿಗೆ ಹಂಚಿಕೊಂಡರೆ, ಆತ ಅಥವಾ ಆಕೆ ನಿಮ್ಮ ಖಾತೆಗೆ ಹಾಗೂ ನಿಮ್ಮ ವೈಯಕ್ತಿಕ ಮಾಹಿತಿಗೆ ಪ್ರವೇಶಪಡೆಯುತ್ತಾರೆ.

ನಿಮ್ಮ ಪಾಸ್‌ವರ್ಡ್(ಗಳು) ಮತ್ತು/ಅಥವಾ ಪಿನ್ ಅನ್ನು ಗೌಪ್ಯವಾಗಿ ಇಟ್ಟುಕೊಳ್ಳುವುದು ಮತ್ತು ಅದನ್ನು ಯಾರೊಂದಿಗೂ ಹಂಚಿಕೊಳ್ಳದೆ ಇರುವುದೂ ಸೇರಿದಂತೆ ನಿಮ್ಮ ಮೊಬೈಲ್ ಸಾಧನವನ್ನು ಮತ್ತು ನಿಮ್ಮ ಸಾಧನದಲ್ಲಿರುವ Google Payments ಅಪ್ಲಿಕೇಶನ್ ಅನ್ನು ಪ್ರವೇಶಿಸುವುದನ್ನು ನಿಯಂತ್ರಿಸುವುದು ನಿಮ್ಮ ಜವಾಬ್ದಾರಿ ಆಗಿರುತ್ತದೆ. Google Payments ಅಪ್ಲಿಕೇಶನ್‌ನಲ್ಲಿರುವ ಮಾಹಿತಿಯ ಭದ್ರತೆಯಲ್ಲಿ ದೋಷವಿದೆ ಎಂದು ನೀವು ಭಾವಿಸಿದರೆ, ಆ ಬಗ್ಗೆ Google ಅಥವಾ ಸಂಬಂಧಿಸಿದ ಪಾಲುದಾರರನ್ನು ಎಚ್ಚರಿಸುವುದು ನಿಮ್ಮ ಜವಾಬ್ದಾರಿಯೂ ಆಗಿರುತ್ತದೆ.