Google Payments-ის შეტყობინება მონაცემთა კონფიდენციალურობის წესების თაობაზე

ბოლო ცვლილება: 2026 წლის 16 მარტი

Google-ის კონფიდენციალურობის დებულება აღწერს, როგორ ვეპყრობით თქვენს პერსონალურ ინფორმაციას თქვენ მიერ Google-ის პროდუქტებისა და სერვისების გამოყენების დროს. თუ თქვენ 18 წელს მიუღწეველი ხართ, შეგიძლიათ იპოვოთ დამატებითი რესურსები Google-ის კონფიდენციალურობის სახელმძღვანელოში თინეიჯერებისთვის და Google Payments-ის კონფიდენციალურობის სახელმძღვანელოში ბავშვებისთვის.

Google Payments-ის შეთავაზება ხდება Google ანგარიშის მფლობელებისთვის და თქვენ მიერ მისი გამოყენება Google-ის კონფიდენციალურობის დებულებას ექვემდებარება. გარდა ამისა, ეს შეტყობინება მონაცემთა კონფიდენციალურობის წესების თაობაზე აღწერს Google-ის მიერ კონფიდენციალური ინფორმაციის გამოყენების პრაქტიკას, რომელიც სპეციფიკურია Google Payments-ისთვის.

თქვენ მიერ Google Payments-ის გამოყენება რეგულირდება Google Payments-ის მომსახურების პირობებით, რომელიც უფრო დეტალურად აღწერს იმ სერვისებს, რომლებსაც ფარავს ეს შეტყობინება მონაცემთა კონფიდენციალურობის წესების თაობაზე. მონაცემთა კონფიდენციალურობის წესების თაობაზე შეტყობინებაში მთავრული ასოებით წარმოდგენილ ტერმინებს შეიძლება ჰქონდეს მომსახურების მიმდინარე პირობებში აღწერილი მნიშვნელობები.

Google Payments-ის შეტყობინება მონაცემთა კონფიდენციალურობის წესების თაობაზე ვრცელდება Google LLC-ს ან მის მთლიან საკუთრებაში არსებული შვილობილი კომპანიების მიერ შემოთავაზებულ სერვისებზე, მათ შორის, Google Payment Corp.-ის („GPC“) მიერ. გაეცანით სერვისის ფარგლებში თქვენთვის ხელმისაწვდომი Google Payments-ის მომსახურების პირობებს, რათა გაიგოთ, რომელი შვილობილი კომპანია გთავაზობთ სერვისს.

იმ მომხმარებლებისთვის, რომლებიც ბრაზილიაში ცხოვრობენ, თქვენს ინფორმაციაზე პასუხისმგებელი მონაცემთა დამმუშავებელი არის Google LLC და, ბრაზილიის კანონმდებლობით მოთხოვნილის შესაბამისად, ეს შეიძლება იყოს Google Brasil Pagamentos Ltda
მომხმარებლებისთვის (გარდა იმ მომხმარებლებისა, რომლებიც ყიდიან Google-ის ბაზარზე), რომლებიც ევროპის ეკონომიკურ ზონაში ცხოვრობენ (გაერთიანებული სამეფოს გამოკლებით), თქვენს ინფორმაციაზე პასუხისმგებელი მონაცემთა დამმუშავებელი არის Google Ireland Limited
ევროპის ეკონომიკურ ზონაში (გაერთიანებული სამეფოს გამოკლებით) მცხოვრები მომხმარებლებისთვის, რომლებიც ყიდიან Google-ის ბაზარზე, ინფორმაციაზე პასუხისმგებელი მონაცემთა დამმუშავებელი არის Google Payment Ireland Limited
დიდ ბრიტანეთში მცხოვრები მომხმარებლებისთვის (გარდა იმ მომხმარებლებისა, რომლებიც ყიდიან Google Marketplace-ზე), თქვენს ინფორმაციაზე პასუხისმგებელი მონაცემთა დამმუშავებელი არის Google LLC.
გაერთიანებულ სამეფოში ან ისრაელში მცხოვრები მომხმარებლებისთვის, რომლებიც ყიდიან Google-ის ბაზარზე, ინფორმაციაზე პასუხისმგებელი მონაცემთა დამმუშავებელი არის Google Payment Limited
Google Payments-ის შეტყობინება მონაცემთა კონფიდენციალურობის წესების თაობაზე არ ვრცელდება Google Pay-ს სერვისზე, რომელიც მიეწოდება ინდოეთში მცხოვრებ მომხმარებლებს Google India Digital Services Private Limited-ის მიერ

ინფორმაცია, რომელსაც ვაგროვებთ

იმ ინფორმაციასთან ერთად, რომელიც მითითებულია Google-ის კონფიდენციალურობის დებულებაში, ასევე, შეიძლება შევაგროვოთ შემდეგი:

რეგისტრაციის ინფორმაცია

როდესაც დარეგისტრირდებით Google Payments-ზე, თქვენ შექმნით Google გადახდების პროფილს, რომელიც დაკავშირებული იქნება თქვენს Google ანგარიშთან. Google Payments სერვისებიდან გამომდინარე, რომლებსაც იყენებთ, Google-ის კონფიდენციალურობის დებულებაში მითითებული ინფორმაციის გარდა, შეიძლება მოგეთხოვოთ შემდეგი ინფორმაციის მიწოდება:

საკრედიტო ან სადებეტო ბარათის ნომერი და მოქმედების ვადა
საბანკო ანგარიშის ნომერი და მოქმედების ვადა
მისამართი
ტელეფონის ნომერი
დაბადების თარიღი
სახელმწიფო დაზღვევის ნომერი და გადასახადის გადამხდელის საიდენტიფიკაციო ნომერი (ან სახელმწიფოს მიერ გაცემული სხვა საიდენტიფიკაციო დოკუმენტების ნომრები)
მყიდველებისთვის და ბიზნესებისთვის: თქვენი ბიზნესის კატეგორია და გარკვეული ინფორმაცია გაყიდვებისა და ტრანზაქციების მოცულობის შესახებ

ზოგიერთ შემთხვევაში, შეიძლება ასევე გთხოვოთ, გამოგვიგზავნოთ დამატებითი ინფორმაცია ან უპასუხოთ დამატებით კითხვებს თქვენი ინფორმაციის ან ვინაობის დადასტურებაში დასახმარებლად. დაბოლოს, თუ დაარეგისტრირებთ მობილური ოპერატორის ან ოპერატორის ბილინგის ანგარიშს, მოგთხოვთ, მოგვაწოდოთ გარკვეული ინფორმაცია თქვენი მობილური ოპერატორის ან ოპერატორის ანგარიშის შესახებ.

თქვენი რეგისტრაციის ინფორმაცია ინახება თქვენს Google ანგარიშთან ერთად და შეინახება Google-ის სერვერებზე. თქვენს მობილურ მოწყობილობაში შეიძლება შევინახოთ გარკვეული ტიპის მონაცემებიც.

მესამე მხარეებისგან მიღებული ინფორმაცია

ჩვენ შეიძლება მივიღოთ თქვენ შესახებ ინფორმაცია მესამე მხარეებისგან, მათ შორის, მესამე მხარის დადასტურების სერვისებისგან. აღნიშნულში შედის:

მოვაჭრეებთან Google Payments-ით შესრულებული ტრანზაქციებიდან შექმნილი ინფორმაცია
მესამე მხარეების მიერ გაცემული, Google Payments-თან დაკავშირებული გადახდის მეთოდებისა და ანგარიშების თქვენ მიერ გამოყენების ინფორმაცია
თქვენი ბარათის გამცემისა თუ ფინანსური დაწესებულების ვინაობა
თქვენს გადახდის მეთოდთან დაკავშირებული ფუნქციებისა და უპირატესობების ინფორმაცია
თქვენი Google გადახდების პროფილის ბალანსზე წვდომის ინფორმაცია
ინფორმაცია მობილური ოპერატორისგან ან ოპერატორისგან, მობილურ ოპერატორთან ან ოპერატორის ბილინგთან დაკავშირებით
მომხმარებელთა ანგარიშები, როგორც ტერმინი „მომხმარებელთა ანგარიშები“, განსაზღვრულია აშშ-ის კრედიტის სამართლიანი ანგარიშგების აქტით
მესამე მხარეებთან (მაგალითად, მოვაჭრეები და გადახდის სერვისის პროვაიდერები) განხორციელებული ტრანზაქციების შესახებ ინფორმაცია, რომელიც შეიძლება გამოყენებული იყოს თაღლითობის რისკის მოდელირებისთვის, თაღლითობის რისკის ქულის შეფასებისა და მესამე მხარეებისთვის თაღლითობის რისკის პრევენციისთვის

გამყიდველებისთვის: ჩვენ შეიძლება მივიღოთ თქვენ და თქვენი ბიზნესის შესახებ ინფორმაცია საკრედიტო ბიუროსგან ან ბიზნესის საინფორმაციო სერვისისგან.

ტრანზაქციის ინფორმაცია

როცა Google Payments-ს ტრანზაქციის შესასრულებლად იყენებთ, ჩვენ შეიძლება შევაგროვოთ ინფორმაცია ტრანზაქციის შესახებ, მათ შორის:

ტრანზაქციის თარიღი, დრო და მოცულობა
მოვაჭრის მდებარეობა და აღწერა
შეძენილი საქონლისა და სერვისების შესახებ გამყიდველის მიერ მოწოდებული აღწერა
ნებისმიერი ფოტო, რომელსაც აირჩევთ ტრანზაქციასთან დაკავშირებით
გამყიდველისა და მყიდველის (ან გამგზავნისა და მიმღების) სახელები და ელფოსტის მისამართები
გამოყენებული გადახდის მეთოდის ტიპი
ტრანზაქციის მიზნობრიობის თქვენი აღწერა და ტრანზაქციასთან დაკავშირებული შეთავაზება, ასეთის არსებობის შემთხვევაში

ჩვენ მიერ შეგროვებული ინფორმაციის გამოყენების პრინციპი

ჩვენ ვიყენებთ ინფორმაციას, რომელსაც გვაწვდით ჩვენ (Google Payment Corp. (GPC)) ან ჩვენს რომელიმე შვილობილ კომპანიას, ასევე, თქვენ შესახებ ინფორმაციას მესამე მხარეებისგან, Google-ის კონფიდენციალურობის დებულებაში ჩამოთვლილი გამოყენებების შესაბამისად, რათა, მაგალითად:

მოგაწოდოთ Google Payments სერვისები კლიენტთა მომსახურების მიზნით
მოვახდინოთ ჩვენი მომხმარებლების, საზოგადოების და Google-ის უფლებების, საკუთრებისა თუ უსაფრთხოების დაზიანების პრევენცია, მათ შორის, თაღლითობის, ფიშინგისა და სხვა არასათანადო ქცევის აღკვეთა
დავეხმაროთ მესამე მხარეებს იმ პროდუქტებისა და სერვისების უზრუნველყოფაში, რომლებსაც მათგან მოითხოვთ
მიმოვიხილოთ თქვენი Google გადახდების პროფილი, რათა განვსაზღვროთ, აკმაყოფილებთ თუ არა ანგარიშის პირობებს
მივიღოთ გადაწყვეტილებები თქვენი მომავალი Google Payments ტრანზაქციების თაობაზე
შევქმნათ და დავხვეწოთ თაღლითობის რისკის მოდელები თქვენი ისტორიული და მიმდინარე ინფორმაციის გამოყენებით, ასევე, წარმოვადგინოთ თაღლითობის რისკის ქულები და შეფასებები, რომლებიც უზიარდება მესამე მხარეებს თაღლითობისა და არასათანადო მოპყრობის პრევენციის მიზნით
მოგაწოდოთ ინფორმაცია თქვენი გადახდის მეთოდის ფუნქციებისა და უპირატესობების შესახებ
დავაკმაყოფილოთ ბიზნესის სხვა ლეგიტიმური საჭიროებები, რომლებიც დაკავშირებულია Google Payments-ში თქვენ მიერ ინიციირებულ ტრანზაქციებთან
შევასრულოთ ანალიზი და გაზომვა, რათა გავიგოთ, როგორ გამოიყენება Google Payments და Google სერვისები, მათ შორის, რეკლამების ეფექტურობა (გარკვეულ ქვეყნებში)
მოვახდინოთ თქვენთვის Google Payments-ის მიერ მოწოდებული გამოცდილებებისა და სხვა Google სერვისების პერსონალიზება, მათ შორის, იმ რეკლამების პერსონალიზება, რომლებსაც ხედავთ თქვენი პარამეტრებიდან გამომდინარე (გარკვეულ ქვეყნებში)

ჩვენ შეიძლება შევინახოთ ინფორმაცია, რომელსაც მოგვაწვდით Google Payments-ის გამოყენების განმავლობაში და საჭიროებისამებრ, სამართლებრივი პროცესისა და მარეგულირებელი ვალდებულებების შესრულების დროს

ინფორმაცია, რომელსაც ვაზიარებთ

ჩვენ თქვენს პერსონალურ ინფორმაციას Google-ის გარეთ სხვა კომპანიებს ან ცალკეულ პირებს გავუზიარებთ მხოლოდ შემდეგ გარემოებებში:

როგორც ნებადართულია Google-ის კონფიდენციალურობის დებულებით
როგორც ნებადართულია კანონით
რაც აუცილებელია თქვენი ტრანზაქციის დასამუშავებლად და თქვენი ანგარიშის შესანარჩუნებლად, მათ შორის, უსაფრთხოების გაუმჯობესებისა და თქვენი ანგარიშის თაღლითობისგან დასაცავად, სხვა ყოველდღიური საქმიანი მიზნების მისაღწევად
მესამე მხარის მიერ მოწოდებულ სერვისზე თქვენ მიერ მოთხოვნილი რეგისტრაციის დასასრულებლად
იმ შემთხვევებში, სადაც Google Pay არის ხელმისაწვდომი, მესამე მხარის მოვაჭრის ინფორმირების მიზნით, რომლის საიტს ან აპსაც სტუმრობთ, იმის მიუხედავად, გაქვთ თუ არა Google გადახდების პროფილი, რომლის გამოყენებაც შესაძლებელია ამ მოვაჭრის საიტის ან აპის მეშვეობით გადახდების განსახორციელებლად. ეს შეიძლება მოიცავდეს შეზღუდულ დეტალებს თქვენი გადახდის მეთოდის შესახებ, მაგალითად, ბარათის ქსელი და თქვენი ბარათის ნომრის ბოლო 4 ციფრი. შეგიძლიათ ამ პარამეტრის გამორთვა
თაღლითობის რისკის ქულისა და თაღლითობის შესახებ სხვა შეფასებების იმ მესამე მხარისთვის გასაზიარებლად, რომლებიც იყენებენ Google-ის რისკის ქულებსა და თაღლითობის პრევენციის სერვისებს, რათა თაღლითობისგან და არასათანადო მოპყრობისგან დაიცვან თქვენი ტრანზაქციები მესამე მხარეებთან
იმაში დასარწმუნებლად, რომ თქვენი გადახდის მეთოდი დაცული და მოქმედია; ასევე, მისი ფუნქციებისა და უპირატესობების შესახებ თქვენთვის შესაბამისი ინფორმაციის მოსაწოდებლად, რომლებიც შეიძლება გავუზიაროთ თქვენი გადახდის მეთოდის გამცემს, გადახდის ქსელს, დამმუშავებელსა და მათ ფილიალებს

ინფორმაციის გაზიარების შემთხვევების მაგალითები:

როდესაც თქვენ შესყიდვას ან ტრანზაქციას ასრულებთ Google Payments-ის გამოყენებით, ჩვენ თქვენ შესახებ გარკვეულ პერსონალურ ინფორმაციას ხელმისაწვდომს ვხდით იმ კომპანიისთვის ან ფიზიკური პირისთვის, ვისგანაც ყიდულობთ ან ახორციელებთ ტრანზაქციას. ეს მოიცავს თქვენი პერსონალური ინფორმაციის გაზიარებას დეველოპერთან, ვისგანაც ყიდულობთ, როდესაც Google Payments-ს იყენებთ Google Play-ზე შესყიდვის განსახორციელებლად
როცა ასრულებთ შესყიდვას ვებსაიტზე და აპში Google Pay-ს გამოყენებით, ჩვენ შეიძლება გავაზიაროთ თქვენი საფოსტო ინდექსი ან საფოსტო კოდი და ინფორმაცია თქვენი გადახდის მეთოდის შესახებ, რათა მოვაჭრემ დაითვალოს გადასახადი, მიწოდების საფასური და სხვა მონაცემები თქვენი შეკვეთის ღირებულებასთან დაკავშირებით (მაგალითად, მიწოდების ხარჯები და ფასის სხვა ინფორმაცია) და მოახდინოს იმის იდენტიფიცირება, შეძლებს თუ არა თქვენი გადახდის ფორმის, ასევე, უპირატესობებისა და შეზღუდვების მიღებას
როცა მესამე მხარის გადახდის მეთოდს ამატებთ თქვენს Google გადახდების პროფილში, მესამე მხარის გადახდის პროვაიდერთან შეიძლება გავცვალოთ გარკვეული ტიპის პერსონალური ინფორმაცია, სერვისის უზრუნველყოფის მიზნით. ინფორმაცია შეიძლება შეიცავდეს თქვენს სახელს, პროფილის სურათს, ელფოსტას, ინტერნეტ-პროტოკოლის (IP) მისამართს, ბილინგის მისამართს, ტელეფონის ნომერს, ინფორმაციას მოწყობილობის შესახებ, მდებარეობას და მონაცემებს Google ანგარიშში აქტივობის შესახებ
იმ შემთხვევაში, თუ Google Pay ხელმისაწვდომია, იმისათვის, რომ უზრუნველვყოთ უფრო შეუფერხებელი მომსახურება და შემოგთავაზოთ შესაბამისი გადახდის ვარიანტები მონაწილე მოვაჭრეების საიტებზე ან აპებში ვიზიტისას, მოვაჭრემ შეიძლება დაადასტუროს, გაქვთ თუ არა სათანადო გადახდის მეთოდის მქონე Google გადახდების პროფილი. ამ პროცესში, Google-მა შეიძლება გააზიაროს შეზღუდული დეტალები თქვენი გადახდის მეთოდის შესახებ, მაგალითად, ბარათის ქსელი და თქვენი ბარათის ნომრის ბოლო 4 ციფრი, მხოლოდ თქვენ მიერ არჩეული გადახდის მეთოდის იდენტიფიცირებაში დახმარების მიზნით.
მესამე მხარესთან (მაგალითად, მოვაჭრეები ან გადახდის სერვისის პროვაიდერები) ტრანზაქციის შესრულებისას მესამე მხარეებს შეიძლება გავუგზავნოთ თაღლითობის რისკის ქულები და სხვა შეფასებები თქვენს გადახდის ტრანზაქციასთან დაკავშირებით, თაღლითობისა და არასათანადო მოპყრობის პრევენციის მიზნით

ინფორმაცია, რომელსაც ჩვენ ვაგროვებთ, მათ შორის, მესამე მხარისგან მიღებული ინფორმაციის ჩათვლით, შეიძლება გაუზიარდეს ჩვენს აფილირებულ სუბიექტებს, რაც ნიშნავს სხვა კომპანიებს, რომლებსაც ფლობს და აკონტროლებს Google LLC. ჩვენთან აფილირებული კომპანიები, რომლებიც შეიძლება იყოს ფინანსური და არაფინანსური სუბიექტები, გამოიყენებენ ასეთ ინფორმაციას იმგვარად, როგორც ეს აღწერილია შეტყობინებაში მონაცემთა კონფიდენციალურობის წესების თაობაზე და Google-ის კონფიდენციალურობის დებულებაში, მათ შორის, ყოველდღიური ბიზნეს მიზნებისთვის.

შესაბამის შემთხვევაში ჩვენ გაძლევთ უფლებას, უარი თქვათ GPC-სა და მასთან აფილირებულ კომპანიებთან გარკვეულ გაზიარებაზე. კონკრეტულად, შეგიძლიათ უარი თქვათ:

GPC-სა და მასთან აფილირებულ სუბიექტებს შორის თქვენი კრედიტუნარიანობის შესახებ ინფორმაციის გაზიარებაზე მათი ყოველდღიური ბიზნეს მიზნებისთვის; და/ან
ჩვენთან აფილირებული სუბიექტების მიერ თავისი პროდუქტებისა და სერვისების თქვენთვის რეკლამირებაზე თქვენს პერსონალურ ინფორმაციაზე დაყრდნობით, რომელსაც ჩვენ ვაგროვებთ და ვუზიარებთ მათ. ეს ინფორმაცია მოიცავს თქვენი ანგარიშის ისტორიას ჩვენთან

თქვენ ასევე შეგიძლიათ უარი თქვათ ინფორმაციის მიწოდებაზე Google LLC-ს ან მასთან აფილირებული სუბიექტების მიერ მესამე მხარის მოვაჭრისთვის, რომლის საიტსაც ან აპსაც ეწვიეთ, იმის შესახებ, გაქვთ თუ არა თქვენ Google გადახდების პროფილი, რომლის გამოყენებაც შეიძლება ამ მოვაჭრის საიტის ან აპის მეშვეობით გადახდისთვის.

თუ აირჩევთ ამ პარამეტრის გამორთვას, თქვენი არჩევანი ძალაში იქნება მანამ, სანამ თქვენი არჩევნის შეცვლას არ გვთხოვთ.

თუ არ გსურთ, რომ თქვენი კრედიტუნარიანობის შესახებ პერსონალური ინფორმაცია გაზიარდეს GPC-სა და მასთან აფილირებულ სუბიექტებს შორის ან თუ არ გსურთ, რომ ჩვენთან აფილირებულმა სუბიექტებმა ჩვენ მიერ შეგროვებული და მათთან გაზიარებული თქვენი პერსონალური ინფორმაცია გამოიყენონ თქვენთვის რეკლამის შემოთავაზებისთვის, ან თუ არ გსურთ, რომ Google LLC-მ ან მასთან აფილირებულმა სუბიექტებმა მესამე მხარის მოვაჭრეს, რომლის საიტსაც ან აპსაც ეწვიეთ, აცნობონ იმის შესახებ, გაქვთ თუ არა თქვენ Google გადახდების პროფილი, გთხოვთ, მიუთითოთ თქვენი არჩევანი თქვენს ანგარიშში შესვლით და Google Payments-ის კონფიდენციალურობის პარამეტრებზე გადასვლით და თქვენი პარამეტრების განახლებით.

ჩვენ არ გავაზიარებთ თქვენს პერსონალურ ინფორმაციას GPC-ს ან ჩვენთან აფილირებული სუბიექტების მიღმა, გარდა იმ შემთხვევებისა, რომლებიც აღწერილია ამ შეტყობინებაში მონაცემთა კონფიდენციალურობის წესების თაობაზე ან Google-ის კონფიდენციალურობის დებულებაში. Google Payments არის პროდუქტი, რომელსაც სთავაზობენ Google ანგარიშის მფლობელებს. მონაცემებს, რომლებსაც თქვენ მიაწვდით Google LLC-ს Google-ის ანგარიშზე რეგისტრაციის მიზნით, არ ეხება მონაცემთა კონფიდენციალურობის წესების თაობაზე ამ შეტყობინებაში მოცემული უარის თქმის დებულებები.

თქვენი ინფორმაციის დაცვა

ჩვენი უსაფრთხოების პრაქტიკის შესახებ დამატებითი ინფორმაციისთვის, გთხოვთ, იხილოთ Google-ის კონფიდენციალურობის მთავარი დებულება.

თქვენი Google გადახდების პროფილის უსაფრთხოება დამოკიდებულია თქვენ მიერ თქვენი ანგარიშის პაროლ(ებ)ის, PIN-კოდების და სერვისზე წვდომის სხვა ინფორმაციის კონფიდენციალურად შენახვაზე:

თუ თქვენი Google ანგარიშის ინფორმაციას მესამე მხარეს გაუზიარებთ, მას წვდომა ექნება თქვენს Google გადახდების პროფილზე და თქვენს პერსონალურ ინფორმაციაზე
თქვენი პასუხისმგებლობაა, აკონტროლოთ წვდომა თქვენს მობილურ მოწყობილობაზე და Google საფულეზე თქვენს მოწყობილობაზე, მათ შორის, თქვენი პაროლ(ებ)ის და/ან PIN-კოდის კონფიდენციალურობის დაცვის და არავისთან გაზიარების ჩათვლით
ასევე, თქვენი პასუხისმგებლობაა Google-ის ან შესაბამისი პარტნიორის გაფრთხილება, თუ ფიქრობთ, რომ Google Payments-ის ინფორმაციის უსაფრთხოება არაა დაცული

ნებისმიერი ინფორმაცია, რომელსაც თქვენ პირდაპირ აწვდით მესამე მხარის მოვაჭრეს, ვებსაიტს ან აპლიკაციას, არ იგულისხმება ამ შეტყობინებაში მონაცემთა კონფიდენციალურობის წესების თაობაზე. ჩვენ არ ვართ პასუხისმგებელი მოვაჭრეების ან სხვა მესამე მხარის კონფიდენციალურობაზე ან უსაფრთხოების პრაქტიკაზე, რომლებთანაც ირჩევთ თქვენი პერსონალური ინფორმაციის პირდაპირ გაზიარებას. მოგიწოდებთ, გადახედოთ ნებისმიერი მესამე მხარის კონფიდენციალურობის დებულებას, რომელსაც ირჩევთ, რომ პირდაპირ გაუზიაროთ თქვენი პერსონალური ინფორმაცია.