Google Payments-ի գաղտնիության ծանուցագիր

Վերջին անգամ փոփոխվել է 2022 թվականի մարտի 28-ին

Google-ի գաղտնիության քաղաքականությունը նկարագրում է, թե ինչպես ենք մենք վարվում անձնական տեղեկությունների հետ, երբ դուք օգտագործում եք Google-ի արտադրանքներն ու ծառայությունները։ Եթե դուք 18 տարեկանից փոքր եք, ապա ձեզ համար նախատեսված լրացուցիչ ռեսուրսներին կարող եք ծանոթանալ Google-ի՝ դեռահասների տվյալների պաշտպանության ուղեցույցում։ Google Payments ծառայությունը առաջարկվում է Google հաշվետերերին, և ձեր կողմից դրա օգտագործումը կարգավորվում է Google-ի գաղտնիության քաղաքականության դրույթներով։ Բացի այդ, այս Գաղտնիության ծանուցագիրը նկարագրում է Google-ի մոտեցումները գաղտնիության այն հարցերում, որոնք ծագում են Google Payments-ի օգտագործման ընթացքում։

Google Payments-ի ձեր կողմից օգտագործումը կառավարվում է Google Payments-ի օգտագործման պայմաններով, որտեղ մանրամասն նկարագրվում են այս Գաղտնիության ծանուցագրով կարգավորվող Ծառայությունները։ Մեծատառերով գրված եզրույթները, որոնք սահմանված չեն Google Payments-ի այս Գաղտնիության ծանուցագրում, բացատրվում են Google Payments-ի օգտագործման պայմաններում։

Google Payments-ի գաղտնիության ծանուցագիրը կիրառվում է Google LLC-ի և ամբողջությամբ նրան պատկանող դուստր ընկերությունների (այդ թվում՝ Google Payment Corp.-ի («GPC»)) կողմից առաջարկվող Ծառայությունների նկատմամբ։ Խնդրում ենք ծանոթանալ Ծառայության շրջանակում ձեզ հասանելի Google Payments-ի օգտագործման պայմաններին՝ իմանալու, թե որ դուստր ընկերությունն է առաջարկում Ծառայությունը։ Եվրոպական տնտեսական գոտում (բացի ՄԹ-ից) բնակվող օգտատերերի (բացառությամբ Google-ի առք ու վաճառքի հարթակներից օգտվող վաճառողների) տվյալների վերահսկիչը, որը պատասխանատվություն է կրում նրանց տեղեկությունների համար, Google Ireland Limited-ն է։ ՄԹ-ում բնակվող օգտատերերի (բացառությամբ Google-ի առք ու վաճառքի հարթակներից օգտվող վաճառողների) տվյալների վերահսկիչը, որը պատասխանատվություն է կրում է նրանց տեղեկությունների համար, Google LLC-ն է։ Եթե դուք բնակվում եք Եվրոպական տնտեսական գոտում (բացի ՄԹ-ից) և Google-ի առք ու վաճառքի հարթակներից օգտվող վաճառող եք, ապա ձեր տեղեկությունների համար պատասխանատու տվյալների վերահսկիչը Google Payment Ireland Limited-ն է։ Եթե դուք բնակվում եք ՄԹ-ում և Google-ի առք ու վաճառքի հարթակներից օգտվող վաճառող եք, ապա ձեր տեղեկությունների համար պատասխանատու տվյալների վերահսկիչը Google Payment Limited-ն է։ Բրազիլիայում բնակվող օգտատերերի տվյալների վերահսկիչը, որը պատասխանատու է նրանց տեղեկությունների համար, Google LLC-ն է և Բրազիլիայի օրենքով սահմանված դեպքերում՝ Google Brasil Pagamentos Ltda-ն։

Ինչ տեղեկություններ ենք մենք հավաքում

Ի լրումն Google-ի գաղտնիության քաղաքականության մեջ նշված տեղեկությունների՝ մենք նաև կարող ենք հավաքել հետևյալ տվյալները։

Ինչպես ենք մենք օգտագործում տեղեկությունները

Google-ի գաղտնիության քաղաքականության մեջ նկարագրված օգտագործման ձևերից բացի՝ մենք օգտագործում ենք ձեր տեղեկությունները, որոնք դուք տրամադրում եք մեզ և GPC-ին կամ մեր դուստր ընկերություններից որևէ մեկին և որոնք մենք ստանում ենք երրորդ կողմերից, որպեսզի տրամադրենք ձեզ Google Payments-ը՝ հաճախորդներին սպասարկելու նպատակով, և որպեսզի պաշտպանենք Google-ի, մեր օգտատերերի և հանրության իրավունքները, սեփականությունն ու անվտանգությունը, ինչպես նաև օգնենք կանխել խարդախությունը, ֆիշինգն ու այլ իրավախախտումներ։ Նման տեղեկությունները նաև կարող են օգտագործվել՝ օգնելու երրորդ կողմերին տրամադրել ձեզ անհրաժեշտ ապրանքները կամ ծառայությունները։ Այդ տեղեկությունների հիման վրա մենք նաև ստուգում ենք ձեր Google Payments հաշիվը՝ համոզվելու, որ դուք պահպանում եք հաշվի օգտագործման պայմանները, կայացնելու որոշումներ՝ կապված Google Payments-ում ձեր ապագա գործարքների հետ, և այլ օրինական աշխատանքային կարիքների համար, որոնք առնչվում են Google Payments-ում ձեր կատարած գործարքներին։

Գրանցման ժամանակ նշվող ձեր տեղեկությունները պահվում են՝ կապված ձեր Google հաշվի հետ, իսկ վճարման եղանակի գրանցման մասին տվյալները՝ Google-ի սերվերներում։ Բացի այդ, տվյալների որոշակի տարրեր կարող են նաև պահվել ձեր շարժական սարքում։ Մենք կարող ենք պահել ձեր տրամադրած տեղեկությունները ավելի երկար ժամանակով՝ իրավական ընթացակարգերը և կանոնակարգող պարտավորությունները կատարելու նպատակով։

Ինչ տեղեկություններ ենք մենք փոխանցում երրորդ կողմերին

Մենք կփոխանցենք ձեր անձնական տեղեկությունները Google-ից դուրս այլ ընկերությունների և անձանց միայն հետևյալ հանգամանքներում.

Օրինակ՝ երբ դուք գնում կամ գործարք եք կատարում Google Payments-ի միջոցով, մենք որոշակի անձնական տեղեկություններ հասանելի ենք դարձնում ընկերությանը կամ անձին, ումից դուք որևէ բան եք գնում կամ ում հետ գործարք եք կատարում։ Դա ներառում է ձեր անձնական տեղեկությունների փոխանցումը մշակողին, ումից դուք Google Payments-ի միջոցով գնումներ եք անում Google Play-ում։ Բացի այդ, երբ դուք վճարում եք կատարում «Գնել Google Pay-ի միջոցով» կամ նման կոճակի օգնությամբ, վաճառողի կայքին կամ հավելվածին կարող է ուղարկվել ձեր փոստային դասիչը և տեղեկություններ վճարման եղանակի մասին, որպեսզի վաճառողը կարողանա հաշվարկել գնման իրական արժեքը (օրինակ՝ հարկը, առաքման ծախսերը և գնի վերաբերյալ այլ տվյալներ), ինչպես նաև որոշել՝ արդյոք նա ընդունում է ձեր վճարման եղանակը և արդյոք կան որևէ առավելություններ կամ սահմանափակումներ՝ կապված վճարման որոշակի եղանակի հետ, որը դուք օգտագործում եք գնման համար։ Երբ դուք երրորդ կողմի վճարման եղանակ եք ավելացնում ձեր Google Payments հաշվում, մենք կարող ենք կողմնակի վճարային ծառայություններ մատուցողի հետ փոխանակել ձեր որոշակի անձնական տեղեկությունները, օրինակ՝ ձեր անունը, պրոֆիլի պատկերը, էլ. հասցեն, IP հասցեն կամ վճարային հասցեն, հեռախոսահամարը, սարքի տվյալները և Google հաշվի վիճակագրությունը, եթե դա անհրաժեշտ է ծառայությունը տրամադրելու համար։

Երբ դուք այցելում եք մասնակից վաճառողի կայքը կամ հավելվածը, նա կարող է ստուգել՝ արդյոք դուք ունեք Google Payments հաշիվ և վճարման աջակցվող եղանակ, որը կարելի է օգտագործել նրա կայքի կամ հավելվածի միջոցով գնում կատարելու համար։ Դա հարկավոր է՝ նվազագույնի հասցնելու կայքերում և հավելվածներում ձեզ անհասանելի գործառույթների ցուցադրման հավանականությունը։

Ցանկացած տեղեկատվություն, որը դուք տրամադրում եք անմիջապես կողմնակի վաճառողի, կայքի կամ հավելվածի, չի կարգավորվում այս Գաղտնիության ծանուցագրով։ Մենք պատասխանատվություն չենք կրում վաճառողների կամ այլ երրորդ կողմերի գաղտնիության ու անվտանգության ապահովման գործելակերպերի համար, որոնց դուք ուղղակիորեն կփոխանցեք ձեր անձնական տեղեկությունները։ Մենք խրախուսում ենք ձեզ ծանոթանալ ցանկացած երրորդ կողմի գաղտնիության քաղաքականության հետ, ում դուք որոշեք անմիջապես փոխանցել ձեր անձնական տվյալները։

Տեղեկությունները, որոնք մենք հավաքում ենք, ներառյալ երրորդ կողմերից ստացվածները, փոխանցվում են մեզ հետ փոխկապակցված անձանց, այսինքն՝ այլ ընկերությունների, որոնք պատկանում են Google LLC-ին կամ կառավարվում են վերջինիս կողմից։ Մեզ հետ փոխկապակցված անձինք, որոնք կարող են լինել ֆինանսական կամ ոչ ֆինանսական հաստատություններ, կօգտագործեն նման տեղեկությունները իրենց ամենօրյա աշխատանքային նպատակների համար։

Մենք ձեզ իրավունք ենք տալիս արգելելու GPC-ի և նրա հետ փոխկապակցված անձանց միջև որոշակի տեղեկությունների փոխանակումը։ Մասնավորապես, դուք կարող եք արգելել, որ՝

Դուք նաև կարող եք արգելել, որ Google LLC-ն և նրա հետ փոխկապակցված անձինք տեղեկացնեն կողմնակի վաճառողին, ում կայքը կամ հավելվածը դուք այցելում եք, թե արդյոք ունեք Google Payments հաշիվ, որը կարելի է օգտագործել վաճառողի կայքի կամ հավելվածի միջոցով գնումներ կատարելու համար։

Եթե որոշեք արգելել դա, ձեր որոշումը ուժի մեջ կլինի, մինչև որ չհայտնեք մեզ, որ չեղարկում եք այն։

Եթե չեք ուզում, որ մենք GPC-ին և նրա հետ փոխկապակցված անձանց փոխանցենք մեր կողմից հավաքված ձեր վարկունակության վերաբերյալ անձնական տեղեկությունները, որոնք նրանք կօգտագործեն ձեզ գովազդ ցուցադրելու համար, կամ եթե չեք ուզում, որ Google LLC-ն և նրա հետ փոխկապակցված անձինք տեղեկացնեն կողմնակի վաճառողին, ում կայքը կամ հավելվածը դուք այցելում եք, թե արդյոք ունեք Google Payments հաշիվ, խնդրում ենք ձեզ նշել այդ մասին՝ մուտք գործելով հաշիվ և փոխելով ձեր ընտրանքները Google Payments-ի գաղտնիության կարգավորումների էջում։

Մենք ոչ ոքի չենք փոխանցի ձեր անձնական տեղեկությունները GPC-ից կամ նրա հետ փոխկապակցված անձանցից դուրս՝ բացառությամբ այն դեպքերի, որոնք նկարագրված են այս Գաղտնիության ծանուցագրի կամ Google-ի գաղտնիության քաղաքականության մեջ։ Ինչպես բացատրվում է վերևում, Google Payments-ը Google հաշվետերերին առաջարկվող արտադրանք է։ Տվյալները, որոնք դուք տրամադրում եք Google LLC-ին՝ Google հաշիվ գրանցելու նպատակով, չեն կարգավորվում այս Գաղտնիության ծանուցագրի՝ տվյալների օգտագործումն արգելող դրույթներով։

Տեղեկությունների անվտանգության ապահովում

Անվտանգության ապահովման մեր գործելակերպերի մասին ավելին իմանալու համար կարդացեք Google-ի գաղտնիության քաղաքականության հիմնական տարբերակը։

Ձեր Google Payments հաշվի անվտանգությունը կախված է նրանից, թե արդյոք գաղտնի եք պահում Ծառայության ձեր հաշիվների գաղտնաբառերը, PIN կոդերը և մուտքի այլ տվյալներ։ Եթե դուք ձեր անձնական տեղեկությունները փոխանցեք երրորդ կողմի, նրան հասանելի կլինեն ձեր հաշիվը և անձնական տվյալները։

Դուք պատասխանատվություն եք կրում ձեր շարժական սարքի և ձեր սարքում Google Payments հավելվածի հասանելիությունը կառավարելու, այդ թվում՝ ձեր գաղտնաբառ(եր)ը և/կամ PIN կոդը գաղտնի պահելու և այլ անձանց չփոխանցելու համար։ Դուք նաև պարտավոր եք զգուշացնել Google-ին և համապատասխան գործընկերոջը, եթե կարծում եք, որ Google Payments հավելվածում տեղեկությունների պաշտպանությունը վտանգված է։

© 2020 Google – Google-ի գլխավոր էջ Google-ի օգտագործման պայմաններ Գաղտնիության ծանուցագրերի նախորդ տարբերակները