Notification ng Privacy ng Google Payments

Huling binago noong 18 Nobyembre 2024

Inilalarawan sa Patakaran sa Privacy ng Google kung paano namin pinapangasiwaan ang personal na impormasyon kapag ginagamit mo ang mga produkto at serbisyo ng Google. Kung wala ka pang 18 taong gulang, makakakita ka ng mga karagdagang resource sa Gabay sa Privacy para sa Teenager ng Google.

Ang Google Payments ay iniaalok sa mga may-ari ng Google Account, at ang paggamit mo nito ay napapailalim sa Patakaran sa Privacy ng Google. Bukod pa rito, inilalarawan ng Notification ng Privacy na ito ang mga kagawian sa privacy ng Google na partikular sa Google Payments.

Ang paggamit mo ng Google Payments ay nasasaklawan ng Mga Tuntunin ng Serbisyo ng Google Payments, na mas nagdedetalye sa mga serbisyong nasasaklawan ng Notification ng Privacy na ito. Makikita ang kahulugan ng mga terminong nagsisimula sa malaking titik, na hindi inilalarawan sa Notification ng Privacy na ito, sa Mga Tuntunin ng Serbisyo ng Google Payments.

Nalalapat ang Notification ng Privacy ng Google Payments sa mga serbisyong iniaalok ng Google LLC o mga subsidiary na buong pinagmamay-arian nito, kabilang ang Google Payment Corp. ('GPC'). Sumangguni sa Mga Tuntunin ng Serbisyo ng Google Payments na ginawang available sa iyo sa serbisyo para malaman kung aling subsidiary ang nag-aalok ng serbisyo.

Para sa mga user na nakabase sa Brazil, Google LLC ang data controller na responsable para sa iyong impormasyon at, hanggang sa kinakailangan sa ilalim ng batas sa Brazil, posibleng ito ay Google Brasil Pagamentos Ltda
Para sa mga user (maliban sa mga user na nagbebenta sa isang Google marketplace) na nakabase sa European Economic Area (maliban sa UK), Google Ireland Limited ang data controller na responsable para sa iyong impormasyon
Para sa mga user na nakabase sa European Economic Area, maliban sa UK, at nagbebenta sa isang Google marketplace, Google Payment Ireland Limited ang data controller na responsable para sa iyong impormasyon
Para sa mga user (maliban sa mga user na nagbebenta sa isang Google marketplace) na nakabase sa UK, Google LLC ang data controller na responsable para sa iyong impormasyon
Para sa mga user na nakabase sa UK at nagbebenta sa isang Google marketplace, Google Payment Limited ang data controller na responsable para sa iyong impormasyon

Impormasyong kinokolekta namin

Bukod sa impormasyong nakalista sa Patakaran sa Privacy ng Google, puwede rin naming kolektahin ang mga sumusunod:

Impormasyon ng pagpaparehistro

Kapag nag-sign up ka para sa Google Payments, gumagawa ka ng profile sa mga pagbabayad sa Google na nauugnay sa iyong Google Account. Depende sa mga ginagamit mong serbisyo ng Google Payments, bilang karagdagan sa impormasyong nakalista sa Patakaran sa Privacy ng Google, posibleng hilingin sa iyong magbigay ng impormasyon, gaya ng:

Numero ng credit o debit card at petsa ng pag-expire ng card
Bank account number at petsa ng pag-expire nito
Address
Numero ng telepono
Petsa ng kapanganakan
Numero ng pambansang insurance o taxpayer identification number (o iba pang numero ng pagkakakilanlan na ibinigay ng pamahalaan)
Partikular para sa mga nagbebenta o negosyo, ang kategorya ng iyong negosyo at ilang partikular na impormasyon tungkol sa dami ng benta o transaksyon mo

Sa ilang pagkakataon, posibleng hilingin din namin sa iyo na magpadala sa amin ng karagdagang impormasyon o sumagot ng mga karagdagang tanong para makatulong sa pag-verify ng impormasyon o pagkakakilanlan mo. Panghuli, kung magpaparehistro ka ng account sa pagsingil ng carrier o operator, hihilingin namin sa iyo na bigyan kami ng ilang partikular na impormasyon tungkol sa account ng carrier o operator mo.

Sino-store ang iyong impormasyon sa pagpaparehistro kaugnay ng Google Account mo, at iso-store sa mga server ng Google ang iyong pagpaparehistro ng paraan ng pagbabayad. Puwede ring ma-store sa iyong mobile device ang ilang partikular na uri ng data.

Impormasyong nakuha mula sa mga third party

Puwede kaming kumuha ng impormasyon tungkol sa iyo mula sa mga third party, kabilang ang mga third-party na serbisyo ng pag-verify. Kabilang dito ang:

Impormasyong nagmumula sa mga transaksyon sa Google Payments sa mga lokasyon ng merchant
Impormasyon tungkol sa paggamit mo ng mga paraan ng pagbabayad at iyong mga account mula sa mga third party na naka-link sa Google Payments
Pagkakakilanlan ng tagabigay ng card mo o iyong institusyon sa pananalapi
Impormasyon sa feature at benepisyo na nauugnay sa iyong paraan ng pagbabayad
Impormasyon tungkol sa access sa mga balanseng nasa iyong profile sa mga pagbabayad sa Google
Impormasyon mula sa isang carrier o operator kaugnay ng pagsingil ng carrier o operator
Mga ulat ng consumer, ayon sa pagpapakahulugan sa terminong 'mga ulat ng consumer' ng Fair Credit Reporting Act ng US
Impormasyon tungkol sa iyong mga transaksyon sa mga third party (tulad ng mga merchant at provider ng serbisyo para sa pagbabayad), na gagamitin para sa modeling ng panganib sa panloloko at para magbigay sa mga third party ng mga score ng panganib sa panloloko at iba pang serbisyo sa pag-iwas sa panloloko

Para rin sa mga nagbebenta, puwede kaming kumuha ng impormasyon tungkol sa iyo at sa negosyo mo mula sa isang credit bureau o serbisyo sa impormasyon ng negosyo.

Impormasyon ng transaksyon

Kapag ginamit mo ang Google Payments para magsagawa ng transaksyon, puwede kaming mangolekta ng impormasyon tungkol sa transaksyon, kabilang ang:

Petsa, oras, at halaga ng transaksyon
Lokasyon at paglalarawan ng merchant
Paglalarawang ibinigay ng nagbebenta ng mga biniling produkto o serbisyo
Anumang larawang pipiliin mong iugnay sa transaksyon
Mga pangalan at email address ng nagbebenta at mamimili (o sender at recipient)
Uri ng paraan ng pagbabayad na ginamit
Iyong paglalarawan ng dahilan para sa transaksyon at alok na nauugnay sa transaksyon, kung mayroon man

Paano namin ginagamit ang impormasyong kinokolekta namin

Bilang karagdagan sa mga paggamit na nakalista sa Patakaran sa Privacy ng Google, ginagamit namin ang impormasyong ibinibigay mo sa amin, sa Google Payment Corp. (GPC), o sa iba pa naming subsidiary, pati ang impormasyon tungkol sa iyo mula sa mga third party, para:

Ibigay sa iyo ang Google Payments para sa mga layunin ng customer service
Maiwasan ang pinsala sa mga karapatan, ari-arian, o kaligtasan ng Google, aming mga user, o publiko, at para na rin makatulong sa pagpigil sa panloloko, phishing, o iba pang maling asal
Tulungan ang mga third party sa pagbibigay ng mga produkto o serbisyong nire-request mo sa kanila
Suriin ang iyong profile sa mga pagbabayad sa Google at matukoy kung natutugunan mo pa rin ang mga tuntunin ng serbisyo
Magpasya tungkol sa iyong mga transaksyon sa Google Payments sa hinaharap
Bumuo at magsanay ng mga modelo ng panganib sa panloloko gamit ang iyong dati at kasalukuyang impormasyon, at gumawa ng mga score ng panganib sa panloloko at assessment na shine-share sa mga third party para lang sa mga layunin ng mga ito na makaiwas sa panloloko o pang-aabuso
Bigyan ka ng impormasyon tungkol sa mga feature at benepisyo ng iyong paraan ng pagbabayad para mas matukoy mo ang iyong paraan ng pagbabayad kapag ginagamit ang Google Payments
Tumugon sa iba pang lehitimong pangangailangan sa negosyo na nauugnay sa mga nasimulan mong transaksyon sa Google Payments

Puwede naming panatilihin ang impormasyong ibinibigay mo sa buong panahon ng paggamit mo ng Google Payments, at sa loob ng karagdagang period kung kinakailangan para sumunod sa aming mga obligasyon ayon sa batas at regulasyon.

Impormasyong shine-share namin

Shine-share lang namin ang iyong personal na impormasyon sa iba pang kumpanya o indibidwal sa labas ng Google sa mga sumusunod na sitwasyon:

Ayon sa pinapahintulutan sa ilalim ng Patakaran sa Privacy ng Google
Ayon sa pinapahintulutan ng batas
Kung kinakailangan para maiproseso ang iyong transaksyon at mapanatili ang account mo, at para na rin makapagbigay ng mga pagpapahusay sa seguridad, protektahan ang iyong account laban sa panloloko, at iba pang pang-araw-araw na layunin sa negosyo
Para kumpletuhin ang ni-request mong pagpaparehistro para sa serbisyong ibinibigay ng third party
Para ipaalam sa isang third-party na merchant, na nagmamay-ari sa site o app na binibisita mo, kung mayroon kang profile sa mga pagbabayad sa Google na magagamit para magbayad sa pamamagitan ng site o app ng merchant na iyon. Puwede mong piliing i-off ang setting na ito
Para mag-share ng mga score ng panganib sa panloloko at iba pang assessment sa panloloko sa mga third party na gumagamit sa mga serbisyo ng Google sa score ng panganib at pag-iwas sa panloloko, para maprotektahan ang iyong mga transaksyon sa mga third party laban sa panloloko at pang-aabuso
Para makatulong sa pagtiyak na secure at valid ang iyong paraan ng pagbabayad, at para mabigyan ka ng nauugnay na impormasyon tungkol sa mga feature at benepisyo ng paraan ng pagbabayad mo, posibleng i-share namin ang personal na impormasyon mo sa iyong tagabigay ng paraan ng pagbabayad, network ng pagbabayad, mga processor, at mga affiliate ng mga ito

Mga halimbawa kung kailan posibleng i-share ang impormasyon:

Kapag bumibili o nakikipagtransaksyon ka gamit ang Google Payments, ginagawa naming available ang ilang partikular na personal na impormasyon tungkol sa iyo sa kumpanya o indibidwal na binibilhan o nakakatransaksyon mo. Kasama rito ang pag-share ng iyong personal na impormasyon sa developer na binibilhan mo kapag ginagamit mo ang Google Payments para bumili sa Google Play
Kapag bumili ka sa pamamagitan ng website o app na may Google Pay, posibleng i-share namin ang iyong ZIP code o postcode at impormasyon tungkol sa paraan ng pagbabayad mo para makalkula ng merchant ang buwis, shipping, at iba pang detalyeng nauugnay sa halaga ng iyong order (gaya ng mga gastos sa delivery at iba pang impormasyon sa presyo), at matukoy kung matatanggap ng merchant ang ganoong uri ng pagbabayad mula sa iyo pati na ang mga benepisyo o paghihigpit para sa mga partikular na uri ng pagbabayad para sa pagbili mo
Kapag nagdagdag ka ng third-party na paraan ng pagbabayad sa iyong profile sa mga pagbabayad sa Google, posibleng makipagpalitan kami sa third-party na provider ng pagbabayad ng ilang partikular na personal na impormasyon para maibigay namin sa iyo ang serbisyo. Posibleng kabilang sa impormasyon ang iyong pangalan, larawan sa profile, email, Internet protocol (IP) address, billing address, numero sa telepono, impormasyon ng device, lokasyon, at impormasyon sa aktibidad ng Google Account
Kapag bumisita ka sa site o app ng kalahok na merchant, puwedeng alamin ng merchant kung mayroon kang profile sa mga pagbabayad sa Google na may kwalipikadong paraan ng pagbabayad na magagamit para bumili sa pamamagitan ng site o app ng merchant, para mabawasan ang posibilidad na makakita ka ng mga hindi magagamit na feature sa mga site o app
Kapag nakipagtransaksyon ka sa isang third party (tulad ng mga merchant at provider ng serbisyo para sa pagbabayad), posibleng magpadala kami ng mga score ng panganib sa panloloko at iba pang assessment sa panloloko na nauugnay sa transaksyon ng iyong pagbabayad sa mga third party na ito, para lang sa mga sariling layunin ng mga ito na makaiwas sa panloloko o pang-aabuso

Ang impormasyong kinokolekta namin, kabilang ang impormasyong nakuha mula sa mga third party, ay posibleng i-share sa aming mga affiliate, na nangangahulugang iba pang kumpanyang pagmamay-ari at kontrolado ng Google LLC. Gagamitin ng aming mga affiliate, na puwedeng mga pinansyal o hindi pinansyal na entity, ang naturang impormasyon para sa mga layunin gaya ng inihahayag sa Notification ng Privacy na ito at sa Patakaran sa Privacy ng Google, kabilang na ang kanilang mga pang-araw-araw na layunin sa negosyo.

Binibigyan ka namin ng karapatang mag-opt out sa ilang partikular na pag-share sa pagitan ng GPC at mga affiliate nito, kung naaangkop. Sa partikular, puwede kang mag-opt out sa:

Pag-share sa pagitan ng GPC at mga affiliate nito ng impormasyon tungkol sa iyong creditworthiness para sa kanilang mga pang-araw-araw na layunin sa negosyo; at/o
Pag-market ng aming mga affiliate ng kanilang mga produkto o serbisyo sa iyo batay sa personal mong impormasyon na kinokolekta at shine-share namin sa kanila. Kasama sa impormasyong ito ang history ng iyong account sa amin

Puwede mo ring piliing mag-opt out sa pagbibigay-alam ng Google LLC o mga affiliate nito sa third-party na merchant, na nagmamay-ari sa site o app na binibisita mo, kung mayroon kang profile sa mga pagbabayad sa Google na magagamit para magbayad sa pamamagitan ng site o app ng merchant na iyon.

Kung pipiliin mong mag-opt out, magkakabisa ang pinili mo hanggang sa sabihin mo sa aming baguhin ang iyong pinili.

Kung ayaw mong mag-share kami sa GPC at mga affiliate nito ng personal na impormasyon tungkol sa iyong creditworthiness, o kung ayaw mong gamitin ng aming mga affiliate ang iyong personal na impormasyong nakolekta namin at na-share sa kanila para mag-market sa iyo, o kung ayaw mong ipaalam ng Google LLC o mga affiliate nito sa third-party na merchant, na nagmamay-ari sa site o app na binibisita mo, kung mayroon kang profile sa mga pagbabayad sa Google, pakisaad ang iyong preference sa pamamagitan ng pag-log in sa account mo at pagpunta sa iyong mga setting ng privacy sa Google Payments para i-update ang mga preference mo sa privacy.

Hindi namin ishe-share ang iyong personal na impormasyon sa sinumang nasa labas ng GPC o sa aming mga affiliate, maliban sa paraang inilalarawan sa Notification ng Privacy na ito o sa Patakaran sa Privacy ng Google. Ang Google Payments ay isang produktong iniaalok sa mga may-ari ng Google Account. Hindi maaapektuhan ng mga probisyon sa pag-opt out sa Notification ng Privacy na ito ang data na ibibigay mo sa Google LLC para sa layunin ng pag-sign up para sa isang Google Account.

Pagpapanatiling secure ng iyong impormasyon

Para sa higit pang impormasyon tungkol sa aming mga kasanayan sa seguridad, pakitingnan ang pangunahing Patakaran sa Privacy ng Google.

Nakadepende ang seguridad ng iyong profile sa mga pagbabayad sa Google sa kakayahan mong panatilihing kumpidensyal ang (mga) password, PIN, at iba pang impormasyon sa pag-access ng iyong account para sa Serbisyo:

Kung ishe-share mo ang impormasyon ng iyong Google Account sa isang third party, magkakaroon ito ng access sa iyong profile sa mga pagbabayad sa Google at personal na impormasyon.
Responsibilidad mong kontrolin ang access sa iyong mobile device at sa Google Payments application sa device mo, kabilang ang pagpapanatiling kumpidensyal sa iyong (mga) password at/o PIN at hindi pag-share nito sa kahit na sino
Responsibilidad mo ring abisuhan ang Google o nauugnay na partner kung sa palagay mo ay nakompromiso ang seguridad ng impormasyon sa Google Payments application

Hindi nasasaklawan ng Notification ng Privacy na ito ang anumang impormasyong direkta mong ibinibigay sa isang third-party na merchant, website, o application. Hindi kami responsable para sa mga kasanayan sa privacy o seguridad ng mga merchant o iba pang third party kung kanino mo pinipiling direktang ibahagi ang iyong personal na impormasyon. Hinihikayat ka naming suriin ang mga patakaran sa privacy ng anumang third party kung saan mo pinipiling direktang i-share ang iyong personal na impormasyon.