ВАЖНО: Ако живеете во Индија, „Условите за користење“ на Google Pay што важат за вас може да ги најдете овде. Ако живеете во САД, „Условите за користење“ на Google Pay што важат за вас може да ги најдете овде.
Последна измена: 10 декември 2025 г.
1. Вовед
Google Pay подлежи на „Условите за користење“ на Google („ToS на Google“) и претставува „Услуга“ како што е дефинирано во ToS на Google. Следниве „Услови за користење“ на Google Pay се дополнителни услови што важат за користењето на Google Pay. Вашето користење на Google Pay подлежи на овие „Услови за користење“ на Google Pay и ToS на Google (кои заеднички, за целите на овие „Услови за користење“ на Google Pay, ги нарекуваме „Услови“). „Известувањето за приватност“ на Google Payments објаснува како Google постапува со вашите податоци за плаќање.
Ако постои некаков конфликт меѓу „Условите за користење“ на Google Pay и ToS на Google, „Условите за користење“ на Google Pay ќе преовладеат. Ако постои некаков конфликт меѓу верзијата на Условите на англиски јазик и верзија преведена на друг јазик, ќе преовладее текстот на англиски јазик.
Одредени функции на Google Pay претходно беа брендирани како „Android Pay“. Иако може и понатаму да гледате застарени спомнувања на Android Pay во продавниците, во апликациите или на вебсајтовите, тие функции подлежат на овие Услови.
За да ја користите Google Pay, потребно е да се согласите со следниве услови. Прочитајте ги внимателно. Некои производи и функции може да не се достапни во сите земји. Погледнете во „Центарот за помош“ на Google Pay за повеќе информации.
2. Основни услови
Ако се согласите со Условите, тврдите дека сте:
Ќе ви бидат потребни и: сметка на Google, уред што ги исполнува системските барања, како и барањата за компатибилност на Услугата, кои може повремено да се менуваат, функционален пристап на интернет и компатибилен софтвер. Овие фактори може да влијаат на користењето и изведбата на Google Pay. Таквите системски барања се ваша одговорност.
Ако си под возраста потребна за управување со сопствена сметка на Google, мора да имаш дозвола од твојот родител или законски старател за да ја користиш Услугата. Побарај од твојот родител или законски старател да ги прочита овие Услови со тебе.
Ако сте родител или законски старател и му дозволувате на вашето дете да ја користи Услугата, тогаш овие Услови важат за вас и вие сте одговорни за активноста на вашето дете на Услугата, вклучително и за сите трансакции што ги извршило вашето дете преку Услугата. Изјавувате и дека вашето дете е сопственикот на картичката или е овластен корисник на кој било начин на плаќање зачуван во сметката на Google на вашето дете.
3. Општ опис на Google Pay
Google Pay ви овозможува да ги зачувувате следниве ставки во вашата сметка на Google, да управувате со нив на едно место и со нив да вршите трансакции со Google и со трети страни:
4. Начини на плаќање
(а) Видови начини на плаќање
Со Google Pay, може да зачувувате и да управувате со разни видови начини на плаќање во вашата сметка на Google (со заеднички назив, „Начини на плаќање“), вклучително и:
Достапноста на конкретен Начин на плаќање или неговата компатибилност со Google Pay може да зависи од вашата земја на живеење и од други фактори. Компатибилните видови Начини на плаќање, како и користењето на Начините на плаќање и функциите на Google Pay опишани подолу може да не се достапни секаде и може да се променат во секое време.
(б) Зачувување Начин на плаќање
Може да зачувате Начин на плаќање во вашата сметка на Google преку повеќе кориснички интерфејси, вклучувајќи ги апликацијата или вебсајтот на Google Pay, прелистувачот Google Chrome, апликацијата или вебсајтот на издавачот на Начинот на плаќање или преку производ или услуга на Google како што е Google Play Store. За да зачувате Начин на плаќање, мора да ги доставите сите потребни податоци во формуларите за регистрација што ќе ви бидат побарани. Податоците што ќе ги доставите мора да бидат актуелни, целосни и точни и мора да ги одржувате како такви. Може да побараме од вас да доставите дополнителни податоци како услов за да продолжите да ја користите Google Pay или за да утврдиме дали да ви дозволиме да продолжите да ја користите Google Pay.
Кога ќе зачувате Начин на плаќање, Google може да ги складира податоците поврзани со Начинот на плаќање, како што се вашето име и адреса за наплата. Google Pay ви овозможува да зачувувате и други податоци во вашата сметка на Google што може да ги забрзаат трансакциите, како на пр. адреса за доставување.
Нѐ овластувате да потврдиме дека вашиот Начин на плаќање е во добра состојба кај неговиот оператор, вклучувајќи, но не и ограничувајќи се на испраќање барање за овластување на плаќање и/или уплаќање и/или повлекување на низок износ преку Начинот на плаќање, согласно со правилата на мрежата или другите услови што важат за Начинот на плаќање.
Се согласувате дека Google Pay е за ваша лична употреба, со ваши сопствени Начини на плаќање. Ако ја користите Google Pay со подобна корпоративна картичка, се согласувате дека тоа го правите со овластување од вашиот работодавач и дека имате овластување да го обврзете вашиот работодавач со овие Услови.
(в) Улогата на Google
Освен каде што Google или негов партнер е издавачот, ниту Google, ниту неговите партнери не се договорни страни во вашите договори за сопственик на картичката за вашиот Начин на плаќање, во соодветната политика за приватност или во други услови за користење. Ништо во овие Услови не ги менува таквите услови на издавачот. Во случај на недоследност помеѓу овие Услови и условите или политиката за приватност на вашиот издавач, овие Услови ќе го регулираат вашиот однос со Google во поглед на Google Pay, а условите на вашиот издавач ќе го регулираат односот помеѓу вас и издавачот. Google не изјавува, ниту потврдува дека кој било ваш Платежен инструмент е во добра состојба или дека издавачот на вашиот Платежен инструмент ќе овласти или ќе одобри конкретна трансакција со трговец ако ја користите Google Pay за таа трансакција.
Освен каде што Google или негов партнер е издавачот, ниту Google, ниту неговите партнери не учествуваат во издавањето кредити или утврдување на кредитоспособноста, ниту пак имаат контрола врз: достапноста или точноста на Начините на плаќање или средствата; додавањето на Начините на плаќање во Google Pay или додавањето средства во салдата на Начините на плаќање. Ако имате прашања во врска со претходно наведеното, контактирајте со издавачот на вашиот Начин на плаќање.
(г) Зачувување Број на виртуелна картичка или Поврзана сметка од трети страни
Следниве дополнителни услови важат при користење на Google Pay за зачувување Број на виртуелна картичка или Поврзана сметка од трети страни.
Откако ќе почнете да додавате Платежен инструмент во Google Pay и ќе ги доставите податоците што ги бара Google и/или издавачот на вашиот Начин на плаќање, Google Pay ќе провери дали Начинот на плаќање е подобен за користење со Google Pay. Можно е одредени Начини на плаќање од издавачи што учествуваат во програмата да не се подобни. Ако издавачот на вашиот Начин на плаќање поддржува Google Pay и вашиот Начин на плаќање е подобен, при неговото додавање може да ви се прикаже екран на кој ќе ви биде побарано да ги прифатите условите и одредбите на издавачот. Откако ќе го сторите тоа и успешно ќе го додадете Начинот на плаќање, Google Pay ќе зачува Број на виртуелна картичка што ќе го претставува вистинскиот број на вашата платежна картичка или ќе ја поврзе вашата Поврзана сметка од трети страни со вашата сметка на Google, за да може да ги користите како што е опишано во Делот 5 подолу.
Броевите на виртуелни картички што ќе ги регистрирате преку Google Pay се разликуваат од сите поврзани Платежни картички што сте ги зачувале во вашата сметка на Google. За разлика од Бројот на виртуелна картичка, Платежната картичка најчесто нема да ви биде прикажана со илустрација што ќе ја претставува поврзаната физичка картичка и таа не може да се користи за трансакции во продавниците со помош на „Комуникација при непосредна близина“ („NFC“). Меѓутоа, кога ќе регистрирате Број на виртуелна картичка, Google Pay може да ја зачува и поврзаната Платежна картичка во вашата сметка на Google.
Прифаќате дека Google Pay може да добива податоци за вашите трансакции од издавачот на вашиот Начин на плаќање за да прикажува богато форматирани детали за трансакциите и за да ја прикажува вашата историја на скорешни трансакции во Google Pay.
Начините на плаќање може да бидат отстранети од Google Pay на конкретен уред и да станат неупотребливи со Услугата ако: (i) го избришете Начинот на плаќање од Google Pay; (ii) го избришете Начинот на плаќање од вашата сметка на Google; (iii) го избришете вашиот мобилен уред со „Управување на уреди со Android“; (iv) ја избришете вашата сметка на Google; (v) вашиот мобилен уред не успева да се поврзе со ниту еден производ или услуга на Google 90 последователни дена; (vi) не ја користите Google Pay на уредот 12 последователни месеци; и/или (vii) издавачот на вашиот Начин на плаќање или платежната мрежа побараат од Google да го отстрани Начинот на плаќање од Google Pay.
5. Трансакции со Начини на плаќање
(а) На производите на Google
Google Pay може да ви дозволи да почнете платежна трансакција со „Продавач“, дефиниран како (i) компанија на групацијата Google или (ii) кој било друг продавач кој учествува во една или повеќе продажни платформи на Google (како што е наведено овде) што ви нуди продажба на трговски стоки, производи или услуги и кој бара од Google или од неговите партнери да обработуваат платежни трансакции во негово име.
Прифаќате и се согласувате дека вашата трансакција со Продавачот („Трансакција на Google“) е исклучиво меѓу вас и Продавачот. Google и неговите партнери не учествуваат во вашите Трансакции на Google и поврзани купувања и не се ниту купувач, ниту продавач во каква било Трансакција на Google, освен ако не е изречно наведено дека се (на пример, во огласот или описот на релевантните трговски стоки, производи или услуги на вебсајт или интерфејс со кој управува Google).
Кога ќе започнете Трансакција на Google, Google може да ви ги претстави Начините на плаќање што ви се достапни во времето на извршување на трансакцијата. Откако ќе го изберете Начинот на плаќање што сакате да го користите, Google може да наплати од тој Начин на плаќање или да ги сподели Начинот на плаќање и поврзаните детали со некој од своите партнери, кој потоа ќе ја обработи трансакцијата во име на Продавачот. Вие го овластувате наплатувањето или повлекувањето од вашиот Начин на плаќање, онака како што тоа е потребно за да се заврши обработката на Трансакцијата на Google. Го овластувате и уплаќањето на вашиот Начин на плаќање при сторнирањата, рефундирањата или порамнувањата поврзани со Трансакцијата на Google.
За деталите или условите поврзани со конкретна Трансакција на Google, вклучувајќи ги правилата за рефундирање или решавање спорови, погледнете во условите за користење, центарот за помош или другите материјали за поддршка што ги обезбедил Продавачот со кого сте ja извршиле трансакцијата.
Ако има проблем при наплатата од избраниот Начин на плаќање, Google може да наплати од кој било друг важечки Начин на плаќање што сте го зачувале во Google Pay. За да управувате со вашите опции за плаќање, посетете го вебсајтот на Google Pay, апликацијата Google Pay или поставките за Google на вашиот уред со Android. Се согласувате и дека, во случај платежната мрежа да одбила или вратила претходна Трансакција на Google, Продавачот може еднаш или повеќепати повторно да ја испрати Трансакцијата на Google на обработка до платежната мрежа. Google може да ја одложи обработката на плаќањето на сомнителни трансакции или трансакции што може да вклучуваат измама, непримерно однесување или кршење на важечките закони, Условите или други важечки правила на Google, исклучиво по сопствено убедување на Google.
Ако Продавач ви понуди можност да платите за претплати, вашата претплата ќе започне кога ќе кликнете „прифатете и купете“ (или слична фраза) при купувањето на претплатата. Ова е трансакција со повторлива наплата. Освен ако не е поинаку наведено, вашата претплата и соодветното овластување за наплата ќе продолжи на неодредено време, додека не го откажете. Ако кликнете „прифатете и купете“ (или слична фраза), го овластувате Продавачот да наплати од вашиот избран Начин на плаќање за секој назначен период за наплата за претплатата. Продавачот може да го промени износот на Трансакцијата на Google за време на периодот на претплата. Откажувањето на претплатата нема да стапи во сила до крајот на тековниот период за наплата. Нема да добиете рефундирање за тековниот период за наплата, а и понатаму ќе имате пристап до конкретната претплата додека трае остатокот од тековниот период за наплата.
(б) Со трети страни
Кога ќе започнете трансакција за плаќање преку Google Pay со која било страна што не е Продавач (таквата страна е „Трета страна“ и таквата трансакција е „Трансакција со трета страна“), Google може да ги проследи деталите за вашиот Начин на плаќање и поврзаните податоци до Третата страна за таа да може да наплати од вашиот Начин на плаќање. Во зависност од природата на Третата страна, Трансакција со трета страна може да биде купувањето производи или услуги или за други цели, како што се добротворни донации или подароци. Може да започнете Трансакција со трета страна кога: користите „допрете и платете“ во продавниците преку NFC, баркодови или друга бесконтактна технологија; ќе изберете „Google Pay“ или „Купете со Google Pay“ како платежна опција во онлајн трансакција на вебсајтот или апликацијата на Третата страна; или ако извршите трансакција со Третата страна преку друг онлајн интерфејс, како што е „Помошникот на Google“. Кога ќе започнете онлајн трансакција, Google Pay може да сподели и други податоци, како што се податоците за наплата, доставување или адреса на е-пошта зачувани во вашата сметка на Google, каде што тие се релевантни за завршување на трансакцијата.
Во Трансакција со трета страна, откако ќе ги проследи Начинот на плаќање и другите податоци до Третата страна, Google нема да биде дополнително вклучен во трансакцијата, а вие прифаќате и се согласувате дека таквата трансакција е исклучиво помеѓу вас и Третата страна, а не помеѓу вас и Google или некој од неговите партнери. Треба директно да контактирате со Третата страна или со операторот на вашиот Начин на плаќање (на пример, издавачот на вашата Платежна картичка) ако имате проблем со Трансакции од трети страни, вклучувајќи ги и рефундирањата и оспорувањата.
Ако посетите вебсајт или апликација на Трета страна што учествува во програмата, Google може да ѝ открие на Третата страна, по нејзино барање, дали имате поставено Google Pay на вашиот уред за Третата страна да знае дали да ви ја понуди Google Pay како опција за плаќање. Сепак, можеби сѐ уште ќе ја гледате опцијата за плаќање преку Google Pay на вебсајтот или апликацијата на Третата страна ако Третата страна им ја нуди Google Pay како опција за плаќање на сите корисници. Може да се откажете од таквото откривање од Google во поставките за приватност на Google Pay. Откажувањето може да влијае на можноста да ја користите Google Pay со одредени трговци. Ако си под возраста потребна за управување со сопствена сметка на Google, ова не важи за тебе и Google нема да ги открие твоите податоци за таа цел.
(в) Како дел од автоматско пополнување во Chrome или Android
Ако сте ја овозможиле функцијата „Автоматско пополнување“ во прелистувачот Google Chrome или на вашиот уред со Android, Google Pay може да ви ја понуди и опцијата за автоматско пополнување на вашите зачувани податоци за Начин на плаќање и за адреса во формуларите за плаќање на вебсајтовите на Трети страни во прелистувачот Chrome или во формуларите за плаќање во апликациите од Трети страни на уредите со Android. (За повеќе информации како функционира Автоматското пополнување со Google Pay, консултирајте се со Центарот за помош на Chrome). Кога ја користите оваа функција, Google нема интеракција со вебсајтот или апликацијата на Третата страна и само го извршува вашето барање за автоматско пополнување на избраните податоци во формуларот на Третата страна. Google не учествува во трансакциите што ќе ги извршите користејќи Автоматско пополнување на Chrome или Android, а вие прифаќате и се согласувате дека таквата трансакција е исклучиво помеѓу вас и Третата страна, а не помеѓу вас и Google или неговите партнери. Треба директно да контактирате со Третата страна или со издавачот на вашиот Начин на плаќање ако имате проблем со трансакција за која сте користеле Автоматско пополнување на Chrome или Android.